SuperDizionari

ordenât adi.
(or-de-nât)

Metût o tignût in ordin

sinonims

sestât, sistemât, regolât, a puest, in ordin

esemplis

"capanons, prontâts, smondeâts e ordenâts come tinei"

gjavât fûr di "Agriest: cjalâ e no tocjâ" di Riedo Pup

" o rivavi cul gno carelut cun dentri i imprescj ben ordenâts ognidun tal so casselin"

gjavât fûr di "Delit in vie del Lavoro" di Igor Londero

ordenât adi.
(or-de-nât)

Che al à une organizazion logjiche, funzionâl o pratiche

sinonims

organizât, sistemât

esemplis

"cu lis desinencis des formis principâls si à formât tabelis ordenadis che a vegnin visualizadis dal utent"

gjavât fûr di "La elaborazion di un corpus etichetât de lenghe furlane scrite: esperiments e prospetivis" di Sandri Carrozzo, Franz Feregot

"fevelâ plui lenghis al vûl dî viodi il mont ordenât in tantis manieris diferentis e tignî cont di plui robis"

gjavât fûr di "Il cjâf dai furlans" di Franc Fari

ordenât adi.
(or-de-nât)

Che al sta sù suntun ciert implant, che si ispire a un ciert criteri

sinonims

organizât, regolât

esemplis

"la Federazion europee, intune Europe dividude in nazions, e je impussibile: ma e sarà pussibilissime intune Europe ordenade sul fondament regjonalistic"

gjavât fûr di "Federazion europee tra nazions o tra regjons?" di Josef Marchet

ordenât adi., s.m.
(or-de-nât)

Che, cui che al ten lis sôs robis in ordin o che al fâs lis robis cun ordin, cun precision, cun criteri

sinonims

meticolôs, metodic, precîs, sistematic

esemplis

"jo, dal alt de mê competence di espert, di ordenât, di contabil e dut, i disevi che [...]"

gjavât fûr di "Culumiis" di Meni Ucel

ordenât adi., s.m.
(or-de-nât)

[TS] (ecl.) Che, cui che al à vût il sacrament dal ordin

esemplis

"Luigi Faidutti, ordenât predi tal 1884 e docent tal 'seminari di Gurize"

gjavât fûr di "Tun borc, il mont di îr" di Venusia Dominici

monolengâl