SuperDizionari

monolengâl

organisim s.m.
(or-ga-ni-sim)

Forme di vite cul cuarp costituît di plui orghins o aparâts che a àn funzions specifichis

sinonims

vivent

esemplis

"[tai Crets di Preon] a son stâts scuvierts fossii di organisims che a vevin vivût tor dai 205-210 milions di agns indaûr"

gjavât fûr di "Gjeologjie e paleontologjie ator di Preon" di Francesco Gobbo

"a sfloririn in cheste maniere i procariots, che po cuntune straordenarie transizion de competizion ae cooperazion, a permeterin che a nassessin lis celulis eucariotis, e di chestis si formarin i organisims pluricelulârs"

gjavât fûr di "La evoluzion su la tiere. Une storie di competizion e cooperazion" di Angelo Vianello

organisim s.m.
(or-ga-ni-sim)

Struture fate di plui elements che a operin ducj par chê finalitât stesse (fig.)

sinonims

struture, organizazion

esemplis

"si trate di studiâ l'organisim legjislatîf de Regjon Furlane, la division des competencis, lis atribuzions des provinciis e dai comuns, la estension de podestât primarie in rapuart a chê des altris regjons"

gjavât fûr di "Fûr cui che i tocje" di Josef Marchet

"Vignesie, no par gjenerositât ma par necessitât, è decît di istituî un organisim di rapresentance stabile des comunitâts rurâls e dai lor interès, la Contadinance"

gjavât fûr di "I 500 agns dal riviel de Joibe Grasse" di Donato Toffoli

torne sù