Tu âs cirût la peraule
monolengâl
torne indaûr

monolengâl

origjin s.f.
(o-ri-gjin)
Il nassi, il scomençâ a esisti di alc, il moment o la situazion li che alc al scomence
sinonims
nassite, inizi, principi, scomençament, nassince, nassude, gjenesi, gjenerazion
esemplis
"[il mecanisim] denominât endosimbiosi [...] al spieghe une vore ben la origjin di mitocondris (sede de respirazion) e cloroplascj (sede de fotosintesi)"
gjavât fûr di "La evoluzion su la tiere. Une storie di competizion e cooperazion" di Angelo Vianello
"Cividât, sede dal Ducât langobart e dal prin patriarcjât, al manten vie pai secui une sorte di primât tal dânus fûr i tescj des origjins"
gjavât fûr di "Leterature furlane" di Cristina Cescutti
Viôt ancje: origjine
origjin s.f.
(o-ri-gjin)
Ce o cui che al prodûs un efiet, une consecuence
sinonims
cause, lidrîs
esemplis
"Tite al zirave dut suturno, scuasit cul rimuars di sei stât lui la origjin di chês zornadis di maluserie che si vivevin in cjase sô"
gjavât fûr di "Cjase di Dalban" di Maria Forte
"a son ancje ciclons e anticiclons che a àn une origjin termiche, ven a stâi che a àn ce fâ cu la temperadure de superficie e dai strâts bas"
gjavât fûr di "Notis di meteorologjie pal Friûl - Vignesie Julie" di Stefano Micheletti, Marcellino Salvador
origjin s.f.
(o-ri-gjin)
Famee, puest, situazion, cundizion, materie, categorie e v.i. di dulà che cdn. o alc al ven
sinonims
çocje, riunde, divignince
esemplis
"i paîs di origjin dai fondadôrs furlans [di Colonia Caroya] a jerin pal plui de zone di Glemone e de Contee di Gurize"
gjavât fûr di "Un paîs furlan in Argjentine: Colonia Caroya" di Sandri Carrozzo
"une casse di noiâr di fin dal Votcent, vadì di origjin cjargnele, cualchi cuadri di un ciert valôr, un pâr di tapêts"
gjavât fûr di "Il sium di Lissandri" di Franca Mainardis
"miôr doprâ pôc o nuie i gras saturs di origjin animâl tant che spongje, ardiel, saìn e pane"
gjavât fûr di "Mangje san 3" di Guglielmo Pitzalis
"il tratament biologjic de aghe di fogne di origjin civîl o industriâl"
gjavât fûr di "Modei matematics par implants di depurazion: primis aplicazions in Friûl" di Redazion SSTF
torne sù