SuperDizionari

monolengâl

pôre s.f.
(pô-re)

Emozion, sensazion di cuant che si sintisi in pericul o si è une vore preocupâts

sinonims

fufe, piu-piu, sbigule, spac, spali, spavent, terôr, spaghet, teme, timôr

esemplis

"però la guera a vierç subit i voi / il paltan, i pedoi, la pôra soradut / la pôra incuguiada intuna grusa / un muart denti una busa, un berli da un murut, la pôra che a ti sgarfa sot la piel / la pôra che a si nea tal butilion"

gjavât fûr di "Un soldatin" di Giorgio Ferigo

"la fie no jere ancjemò no tornade, siore Anute e scomençà a vê un sgrisul di pôre e a cjalâ fûr pal barcon, a talpinâ di ca e di là cence padin"

gjavât fûr di "Cjase di Dalban" di Maria Forte

"cetantis voltis che al veve fate la dreture di Cjamp a dutis lis oris: Cuesim nol veve pôre ni di vîfs ni di muarts"

gjavât fûr di "La aghe da pît la cleve" di Dino Virgili

Viôt ancje: paùre

pôre s.f.
(pô-re)

[TS] (psic.) Modalitât di compuartament che e cjape dentri une sorte di diminuzion dal jo, causade de percezion reâl o imagjinade di un pericul

esemplis

"al somee che la reazion di panic e sedi diferente de reazion de pôre, parcè che i circuits neurâi che a son ae fonde di chestis dôs emozions a son forsit diferentis"

gjavât fûr di "Neurosiencis dal dolôr" di Franc Fari

pôre s.f.
(pô-re)

Prospetive di alc che no si vûl, che nol plâs

esemplis

"o vin simpri vude pôre che cierte int, convertide a la autonomie al ultin moment, si sedi fate indenant par inturbidî lis aghis"

gjavât fûr di "Cuarde e savon" di Josef Marchet

pôre s.f.
(pô-re)

Ognidun dai pinsîrs o des situazions che a fasin preocupâ

esemplis

"a era la guera ta chei agn, li pouri, la miseria, i copamints"

gjavât fûr di "Il Crist sclagn" di Novella Cantarutti

"mi vignivin sgrisui di scatûr pensant a la mê idee di partî, ancje se no varès mai confessât chê pôre a 'Sef"

gjavât fûr di "Ricuarts e inlusions" di Enrico Martina

detulis

"a volê fâ robe no bisugne vê pôre dal diaul"

"al è il 'sâf che al à simpri pôre che i mancji la aghe"

"al è miôr vê pôre prin che no daspò"

"cui che al à la code di paie al à pôre che si brusi"

"cui che al à la code di stran al à simpri pôre che si impii"

"cui che al à reson al à pôre, cui che al à tuart al spere"

"cui che al è scotât ta la aghe cjalde al à pôre di chê frede"

"cui che al menace al vîf cu la pôre"

"cui che plui al sberle plui al à pôre"

"e je miôr la pôre che no la angosse"

"e je piês la pôre che no la dulie"

"e je piês la pôre de muart che no il murî"

"e je plui la pôre che no la angosse"

"e plui grande la pôre dal mâl che il mâl stes"

"il brâf miedi nol à pôre di scorteâ"

"il brigant e il viandant a stan simpri cu la pôre"

"la bolp e à pôre de sô ombre"

"la pôre no resone"

"mâl no fâ, pôre no vê"

"miôr la pôre che no l'ingôs"

"no bisugne lassâ scjampâ il jeur par pôre di ruvinâi la piel"

"no stâ fâ di mancul di semenâ par pôre des passaris"

"par fâ bêçs no bisugne vê pôre dal diaul"

"par pôre dai uciei no si lasse di semenâ"

"peraulis e blestemis no fasin pôre"

torne sù