Tu âs cirût la peraule
monolengâl
torne indaûr

monolengâl

padin s.m.
(pa-din)
Cundizion di calme li che si pues polsâ, timp che si pues polsâ
sinonims
cuiete, polsade, polse, respîr, ricrei, rifin, sbaldiment, tregue, calme, soste, recuie
esemplis
"i prins dîs Efrem al ste cun nô cun serenitât cuiete, come che al fos convinçût di meretâsi un pôc di padin a cjase nestre"
gjavât fûr di "Il dolfin" di Carlo Sgorlon
"a lavoravin di un scûr al altri cence un lamp di padin"
gjavât fûr di "I Catanas" di Meni Ucel
Viôt ancje: padim
padin s.m.
(pa-din)
Mancjance di rumôr o di ativitât
sinonims
cidin, cidinôr, calme, cuiete, cuietece, polse
esemplis
"tal soreli un grant trop di pioris a passonavin cuietis: il cidinôr de nature al cjarinave la vite cun vongulis di padin"
gjavât fûr di "Clâr e scûr" di Pieri Somede dai Marcs
padin s.m.
(pa-din)
Moment li che si ferme alc di negtîf, che al è ripetût o che se di no al sarès seguitîf
sinonims
pâs, polse, tregue
esemplis
"il dolôr di simpri, dolôr des tampiestis di ogni fate che si son di Atile incà scjariadis cence dânus padin su la nestre tiere"
gjavât fûr di "La bandiere" di Pieri Somede dai Marcs
detulis
"il contadin nol à mai padin"
torne sù