SuperDizionari

pagjine s.f.
(pa-gji-ne)

Ognidune des dôs bandis di un sfuei

sinonims

façade

esemplis

"il test al è sedi par furlan che par talian, cu lis dôs versions suntune stesse pagjine"

gjavât fûr di "La cundizion sociolinguistiche dal furlan" di Linda Picco

"il fatôr al scugnì cjapà sù un penelapis blu e tirâ une crôs sun dutis lis pagjinis dal libret [dai debits] di Agnul"

gjavât fûr di "I furlans e i frutins" di Riedo Pup

pagjine s.f.
(pa-gji-ne)

Dut un sfuei, componût di dôs façadis

sinonims

sfuei, cjarte

esemplis

"Nando [...] al volte une altre pagjine e al lei"

gjavât fûr di "Mame..." di Pieri Somede dai Marcs

"il libri al à une pagjine sbregade"

pagjine s.f.
(pa-gji-ne)

Test e contignût che al è scrit tune bande di sfuei o tun sfuei

esemplis

"ur ai ancje dite dal gno diari. Sì, al è di trê agns che o ten un diari. Al è di pôc che ur ai letis des pagjinis"

gjavât fûr di "Trê feminis" di Gianni Gregoricchio

"in chestis pagjinis o cirarai di meti in evidence la impuartance e la articolazion che la “Cjarte di Chivasso” i da ae cuistion de libertât di lenghe"

gjavât fûr di "La libertât di lenghe tant che dirit fondamentâl. Atualitât e complessitât dai contignûts de “Cjarte di Chivasso”" di Marc Stolf

pagjine s.f.
(pa-gji-ne)

Sezion di un gjornâl che e trate di un argoment specific

esemplis

"Bepi Agostinis [...] al à metût dongje i tocs publicâts su la «Pagjine furlane» da «la Vite Catoliche» te rubriche «Storie de art furlane in lenghe»"

gjavât fûr di "O ai scrit pal gno popul" di Erika Adami

"il gjornâl al jere viert su la pagjine dai muarts"

gjavât fûr di "Spieli cence bramis" di Raffaele Serafini

pagjine s.f.
(pa-gji-ne)

Fat o fase de storie o de vite o di alc che in sens figûrât si puedi intindi tant che une narazion (fig.)

sinonims

fat, moment

esemplis

"ogni dì che al passave puartantsi vie cu la gnot i colôrs plui biei de nature i pareve che si sieràs une pagjine de sô vite"

gjavât fûr di "Co une vôs e clame" di Pieri Somede dai Marcs

"al è mâl a lassâ in blanc une pagjine de vite: e je straçade"

gjavât fûr di "Ombrenis sul liston" di Dino Virgili

"cu la vignude dai Langobarts, e scomence une altre pagjine di storie dal Friûl"

gjavât fûr di "Cuintristorie dal Friûl fin sot la Italie" di Josef Marchet

pagjine s.f.
(pa-gji-ne)

[TS] (inform.) Ogni aree fissade di memorie dal ordenadôr

pagjine s.f.
(pa-gji-ne)

[TS] (bot.) Ognidun dai viers di une fuee

monolengâl