SuperDizionari

parâ sot loc.v.

Fâ lâ alc sot di alc altri (ancje fig.)

sinonims

meti sot, tirâ sot

esemplis

"e a si sinte, a pare sot la cotule sot dal cûl par che a no si viodin las gjambes"

gjavât fûr di "Aghe sute aghe bagnade" di AAVV

parâ sot loc.v.

Cjapâ par se (fig.)

sinonims

tirâ sot

esemplis

"Miuta a cugneva preparâighi ducju i imprescj in man, po, lui al parava sot li voris da fin e Miuta a cugneva rusumâsi dutis chês pi grevis e di fadia"

gjavât fûr di "Pirin e Miuta" di Aldo Tomè

parâ sot loc.v.

Cirî di scuindi alc, fâ che no si sepi (fig.)

esemplis

"e je dute paste intindude, a fasin ce che a vuelin e a parin sot ducj i lôr imbrois"

parâ sot loc.v.

Fâ che alc nol ledi indevant (fig.)

esemplis

"l'Arcivescul si jere impegnât a consultâ i organisims diocesans principâi, ma dopo al à parade sot la propueste"

gjavât fûr di "«Percors partecipât? No, un dissen calât dal alt»" di Roberto Pensa

monolengâl