SuperDizionari

torne indaûr

monolengâl

parie av.
(pa-ri-e)

In compagnie, in union

sinonims

a messede, a messet, dongje, dutun, dutune, insiemi, adun, intune

esemplis

"agnis buinis nome di tarocâ, cence mai une peraule di podê indalegrâsi parie"

gjavât fûr di "Come tai romançs" di Alan Brusini

"noaltris doi parie no varìn pôre di nuie"

gjavât fûr di "Chê dì che al neveà a Vignesie" di Agnul di Spere

parie av.
(pa-ri-e)

Cun se, daûr di se, intor di se

sinonims

daûr, intor

esemplis

""[...] a rivuart de clâf, jo me puarti parie, ma lui a 'ndi aial une altre par se?""

gjavât fûr di "Cretevierte" di Roberto Ongaro

parie av.
(pa-ri-e)

Tal stes moment, te stesse circostance, te stesse situazion

sinonims

insiemi, dutun, dutune, adun, intune, a pâr

esemplis

"la creazion di une fuarte dissidence, politiche e culturâl parie"

gjavât fûr di "La lezion catalane" di William Cisilino

parie av.
(pa-ri-e)

Te stesse maniere, te stesse misure

sinonims

compagn, il stès, l'istès

esemplis

"«[...] cumò [che tu sês in pension di muredôr] âtu di rovinâti il sanc par scomençâ un atri lavôr che di sigûr no ti rint parie?»"

gjavât fûr di "Il bintar" di Nadia Pauluzzo

parie av.
(pa-ri-e)

Cuntun ciert mieç o strument

esemplis

"«No à cors [la cjarte monede]; ven a stâi che aromai e je un sbrendul di cjarte e nuie altri, e che parie no si compre plui nuie»"

gjavât fûr di "La vacje" di Meni Ucel

"[la biciclete] cul manuvri di corse e il non scrit sul cambron, magari une Bottecchia, par fâ parie il zîr di Italie o il zîr dal mont"

gjavât fûr di "Faliscjis" di Cristina Noacco

"nô o sin parons di fâ ce dal diaul che o volìn, parie"

gjavât fûr di "La aghe da pît la cleve" di Dino Virgili

parie s.f.
(pa-ri-e)

Sun di dôs cjampanis sunadis insiemi

sinonims

dopli

esemplis

"a tachin las cjampanas, prin la paria dopo il bot"

gjavât fûr di "Dal pruc" di Giorgio Ferigo

detulis

"a vuelin dôs cjampanis par sunâ parie"

"chei di Orsarie, tant cence che parie"

"cuntune cjampane no si sune parie"

"il plui grant ben e je la salût e la buine volontât parie"

torne sù