SuperDizionari

paronance s.f.
(pa-ro-nan-ce)

Il jessi paron, il vê in proprietât, la cundizion di cui che al è paron

esemplis

"cuant che i nestris paîs a jerin bielzà plantâts cun int dal nestri stamp, lôr [i pagans] a vevin ancjemò paronance espotiche di cualchi sît"

gjavât fûr di "I pagans di Muine" di Josef Cjargnel

paronance s.f.
(pa-ro-nan-ce)

[BF] Coletîf dai parons, di chei che a àn proprietâts

esemplis

"lui, om cressût a la antighe, cu la sudizion e il rispiet pe paronance, cjatâsi a sintî un discors di chê fate!"

gjavât fûr di "La crete che no vai" di Domeni Zannier

"la paronance no si saveve cuant che e jere començade; si piardeve tai timps. Si sintive a dî che di secui e secui indaûr lôr a jerin stâts simpri parons"

gjavât fûr di "I furlans e i parons" di Riedo Pup

paronance s.f.
(pa-ro-nan-ce)

Ande di cui che si sint paron, ancje cence rispiet di chei altris

sinonims

prepotence

esemplis

"a imparavin a adatâsi, a vivi insiemi cence tantis paronancis, a fâ la part dal lôr dovê cence tantis crestis e tancj capricis"

gjavât fûr di "Lis predicjis dal muini" di Josef Marchet

paronance s.f.
(pa-ro-nan-ce)

Il cognossi alc e il savê tratâ o doprâ cun proprietât e sigurece

sinonims

domini

esemplis

" al veve scomençât a dâ une man te traduzion pre Antoni Beline, che al veve une paronance straordenarie e spontanie de lenghe"

gjavât fûr di "Memoriis di politiche linguistiche" di Adrian Cescje

"dopo un pâr di agns, co al finì il cors, al veve cuistât une buine cognossince dai stîi des costruzions e une paronance tal tratâ lapis e scuaris"

gjavât fûr di "Il mâl dal mûr" di Lucio Perès

monolengâl