SuperDizionari

partît s.m.
(par-tît)

Associazion di citadins cuntune stesse ideologjie o program politic, cul fin di davuelzi une stesse ativitât politiche e sociâl

esemplis

"i dirigjents dai partîts a fasin i conts dì par dì, cun altris berdeis, e a pensin prin di dut aes cjadreutis dal Comun o ai cjadreons dal Parlament"

gjavât fûr di "Rapresentants dal popul" di Josef Marchet

"o vevin dute la intenzion e la energjie par rinovâ il partît [il Moviment Friûl] su la linie dai partîts autonomiscj dal Süd Tirol e de Val di Aoste"

gjavât fûr di "Memoriis di politiche linguistiche" di Adrian Cescje

partît s.m.
(par-tît)

Decision cjapade e pandude

sinonims

posizion, risoluzion, sielte, decision

esemplis

"cjapâ partît a pro o cuintri potencis militârs menaçosis"

gjavât fûr di "Viaç aes origjins dal Logos" di Adrian Cescje

partît s.m.
(par-tît)

Persone che si stime buine di maridâ

esemplis

"al veve studiade avocature a Graz e, ai siei timps al jere stât un partît une vore golôs, ma lui al jere restât vedran"

gjavât fûr di "Come tai romançs" di Alan Brusini

"e leve a contâ a ducj che sô fie e veve za un partidon come che e mertave, si tratave nuie mancul che dal fi dal sindic dal paîs"

gjavât fûr di "Sul agâr" di Pieri Menis

monolengâl