Tu âs cirût la peraule
monolengâl
torne indaûr

monolengâl

pastiç s.m.
(pas-tiç)
Robe di mangjâ fate di plui ingredients, tant che cjar, pes, verdure, in gjenar metûts a strâts cun lasagnis o messedâts cun altris pastis o par antîc involuçade inte paste, e cuete intal for
esemplis
"o vin podût fermâsi a gustâ il vuardi cun lis jerbis, un pastiç di lasagnis e altris robis cetant buinis"
gjavât fûr di "Mirinde cun lis jerbis 2014… dilunc i comunâi di Faedis" di Jacum dai Morârs
"par uçâ l'apetît, / scomenci cul salam; / mignestre, les e frit, / un rost, robe di lat, / del pastiç di patatis, / e infin cualchi plat mat"
gjavât fûr di "La mê vite di citât" di Pieri Çorut
"i cinc plats che [Casanova] al à miôr a saressin, tal ordin, il pastiç di macarons prontât di un brâf cogo napoletan [...]"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
pastiç s.m.
(pas-tiç)
Robe fate mâl, cence ordin, cence criteri (fig.)
sinonims
berdei, garbui, gredei, imberdei, imbroi, ingredei, involuç, mignestron, pastiel, pastrocj, pistriç, pistrign, potacj, 'savai, scjapinade, sgarbui, 'suf, 'sufiot, tananai, voluç
esemplis
"che [la leç di tutele] e sedi un puar pastiç de ipocrisie italiche par butâ fum tai voi, chel al jere di spietâsal"
gjavât fûr di "Memoriis di politiche linguistiche" di Adrian Cescje
torne sù