SuperDizionari

monolengâl

patrimoni s.m.
(pa-tri-mo-ni)

[TS] (dir.) Ce che une persone fisiche o juridiche e à in proprietât e che al è sot di un complès di dirits e di dovês di nature economiche e fiscâl

esemplis

"il patrimoni des societâts al vignive des cuotis che ogni associât al meteve jù"

gjavât fûr di "Liniis di storie sociâl e economiche dal Friûl 1500 – 1800" di Adrian Cescje

patrimoni s.m.
(pa-tri-mo-ni)

Complès di bens di une persone o famee

sinonims

avê, capitâl, sostance, stât

esemplis

"gjenerazions de sô int là dentri a vevin vivût, lavorât, metût insiemi un patrimoni"

gjavât fûr di "Chei di Muraie" di Pieri Menis

"pretescj di ereditâts, di patrimonis, di divisions, di dirits"

gjavât fûr di "Il me paîs" di Federigo Comelli

patrimoni s.m.
(pa-tri-mo-ni)

Complès dai valôrs o carateristichis di une persone o di une comunitât, che al risulte de esperience, de storie, de tradizion e v.i. (fig.)

esemplis

"al fevelave cul visitadôr doprant une stranie calme, une serenitât costruide, patrimoni di une esperience fate sù dì par dì tant che un mûr di modons"

gjavât fûr di "Aiar di cjase" di Franca Mainardis

"cun chê panadute che e je la regjon a statût normâl [...] no si po salvâ il nestri patrimoni di lenghe, di tradizions, di usancis, di serietât, di caratar"

gjavât fûr di "Lôr no molin e nô no molìn" di Josef Marchet

detulis

"il lot al è il patrimoni dai coions"

torne sù