SuperDizionari

torne indaûr

monolengâl

pene s.f.
(pe-ne)

[BF] Ogni element dal implum dai uciei, che ur covente ancje par svolâ

sinonims

plume

esemplis

"veve in cjâf par pontarûl / une pene di dindiat"

gjavât fûr di "II, 157" di Ermes di Colorêt

pene s.f.
(pe-ne)

Imprest par scrivi fat une volte cuntune plume di ocje spiçade e dopo di une canucje cul penin

sinonims

penâl

esemplis

"si figurave il pape tal so ufici, sentât su la sô poltrone dorade e il scabel sot i pîts, jenfri i gardenâi vistûts a ros e il segretari che al scriveve cu la sô pene di ocje"

gjavât fûr di "Par stradis lungjis" di Alan Brusini

"prime di jevâ in pîts al met adun ogni robe daûr di un ordin che al à di jessi usuâl: la pene, aromai secje dal ingjustri, in bande dal librut"

gjavât fûr di "Madalene" di Franco Marchetta

pene s.f.
(pe-ne)

Capacitât, azion, ativitât di scrivi, ancje caraterizade di une cierte maniere, di un ciert stîl e v.i. (fig.)

sinonims

penâl

esemplis

"brave int, che e sta a cjalâ, magari a criticâ, ma che no da une man, che no mole une sburtade ni cu la lenghe, ni cu la pene, ni cui carantans"

gjavât fûr di "Legnadis e pidadis" di Josef Marchet

"une piture comovente di une des partencis e rive de pene dal scritôr triestin Giani Stuparich, intun articul dal “Corriere di Trieste” dal Avost dal 1955"

gjavât fûr di "La emigrazion in Australie dal Friûl - Vignesie Julie" di Francesco Fait

"in materiis di onor no vês grant vene / siôr Сont, parcè che iI vuestri prin mistîr / fo di menâ la sgaile, e no la pene"

gjavât fûr di "I, 95" di Ermes di Colorêt

pene s.f.
(pe-ne)

Gjenar di paste alimentâr curte, slisse o riade, simile a un canel taiât di traviers

esemplis

"un plat di penis cul ragù"

pene s.f.
(pe-ne)

[TS] (artes.) Sorte di martiel cuadri, cun mani curt, par bati il fonts des cjalderiis

detulis

"il siôr cuntune menade di pene al guste e al cene"

"pene e puarte pene"

"un siôr cuntune menade di pene al guste e al cene"

torne sù