SuperDizionari

percors s.m.
(per-cors)

Linie ideâl o reâl che si fâs o che si à di fâ intun moviment

esemplis

" il 75% dal percors des ultimis orbitis [dal satelit] al passave parsore dai mârs"

gjavât fûr di "La pôre di Fidrì Job" di Agnul di Spere

percors s.m.
(per-cors)

Toc di strade, di viaç, di moviment e v.i. che si fâs

sinonims

itinerari, strade, timp, viaç

esemplis

"la salût dai migrants e dipent des malatiis presintis intai paîs di divignince, des causis de migrazion (vuere, violence, miserie), dal percors migratori e dai pericui patîts vie pal viaç"

gjavât fûr di "Nissun pericul dai forescj" di Guglielmo Pitzalis

percors s.m.
(per-cors)

Linie di une strade, di une ferade

esemplis

"al pues sei significatîf ancje il lûc de "tombe" pal fat che al jere dongje - come in altris câs - di un percors batût"

gjavât fûr di "Une lance langobarde cjatade a Baracêt" di Lucio Perès

"si son pierdûts agns par discuti di une opare cun carateristichis fûr di cjâf e cun coscj di no crodi, ven a dî: realizâ la alte velocitât par dome 110 chilometris in ambit regjonâl, cun 7 fermadis dentri di un percors masse curt"

gjavât fûr di "Il futûr dal Friûl: laude ae “no sotan” economy" di Fulvio Mattioni

percors s.m.
(per-cors)

Sucession di fats che si à di frontâ par rivâ a un ciert risultât o che si frontin par sielte o pal naturâl disglagnâsi de esistence (fig.)

esemplis

"Baracêt al veve convint a partecipâ ancje i deputâts furlans Loris Fortune e Pieri Zorç Bressan, il socialist e il democristian che a contin une vore tal percors di discussion e di aprovazion de leç di tutele"

gjavât fûr di "Memoriis di politiche linguistiche" di Adrian Cescje

percors s.m.
(per-cors)

[TS] (sport) Itinerari che a àn di fâ i concorints di une gare

monolengâl