Tu âs cirût la peraule
monolengâl
torne indaûr

monolengâl

pericul s.m.
(pe-ri-cul)
Circostance o situazion che e pues puartâ un dam, pussibilitât di vê un dam
esemplis
"sul asfalt pantanôs al jere pericul di sbrissâ ogni moment"
gjavât fûr di "Ombris tal infinît" di Carlo Sgorlon
""Cemût il lavôr? Fasistu fature? Isal pericul cui machinaris? Aial pazience cun te mestri Pieri?""
gjavât fûr di "Il muc" di Roberto Ongaro
"fin di piçul un todesc al ven imbunît cun pinsîrs azardôs, che lu puartin a vê gole de monture e a cjalâ in muse il pericul"
gjavât fûr di "La tiere di Lansing" di Maria Forte
Viôt ancje: piricul
pericul s.m.
(pe-ri-cul)
Persone o robe che a puedin causionâ dams
sinonims
menace, risi
esemplis
"e à reson la alte burocrazie romane e periferiche [...] di lavorâ cun dutis lis sôs miezis maniis par dislontanâ il pericul des autonomiis che i gjavaressin di man une buine part di chê cucagne"
gjavât fûr di "Che al crepi il strolic" di Josef Marchet
pericul s.m.
(pe-ri-cul)
Spec. tal pl., puest o situazion che e pues fâ vê dams
esemplis
"[...] sot i pins / son sparniçâts a grums i ciclamins, / sui pericui si viodin crôs e anconis"
gjavât fûr di "Par un mac di ciclamins" di Enrico Fruch
"e so pari pront cuntune altre letare: che al stes atent, alore, di no lâ tai pericui, che la vuere e je pericolose, che lui al veve provât!"
gjavât fûr di "Dreute" di Riedo Pup
pericul s.m.
(pe-ri-cul)
Spec. in costruzions negativis, probabilitât, pussibilitât (coloc.)
sinonims
pussibilitât, risi, riscjo, câs
esemplis
"il mâl dal modon lu vin intorsi e nol è pericul che i furlans a no tornin a fâ lis cjasis"
gjavât fûr di "La vite di chest mont, cence un pôc di spirt, e devente brute e insopuartabile" di Francesc Placerean
"si slontane niçant il cjâf e e barbote: «Eh, che nol è pericul, no, che voaltris si fasedis la forcje l'un l'altri! …»"
gjavât fûr di "Africhis" di Meni Ucel
detulis
"il pericul al romp il fier"
"ogni intardament al puarte pericul"
"pericul in mâr, pericul in tiere, pericul te barele"
torne sù