SuperDizionari

periodi s.m.
(pe-ri-o-di)

Dade di timp

sinonims

dade, dade di timp, timp, moment

esemplis

"Jole no passave un bon periodi, e i agn si fasevin sintî ancje par jê"

gjavât fûr di "Il dolfin" di Carlo Sgorlon

"il periodi miôr par imparâ une o plui lenghis forestis al è dai doi ai sîs agns"

gjavât fûr di "Il cjâf dai furlans" di Franc Fari

"chel che al crôt che il cjâf dai furlans al sedi conservadôr e reazionari al varès di studiâ un pôc di plui il periodi che al va dal '50 al '60"

gjavât fûr di "Cuintristorie dal Nûfcent 1950-1960" di Angelo Floramo

periodi s.m.
(pe-ri-o-di)

[TS] (gjeol.) Dade di timp dal ordin desenis di milions di agns inte division de storie gjeologjiche e zoologjiche de Tiere, plui curte de ere e plui lungje de epoche

esemplis

"La origjin dal Cormôr e je de fin dal periodi cuaternari, cuant che lis trê centis morenichis, formadis dal depositâsi dai materiâi di cret sui fronts glaciâi dal Tiliment, a tacavin a jessi segnadis dai flums che a ‘ndi fasevin cori fûr la aghe"

gjavât fûr di "Udin - Parc dal Cormôr" di AAVV

periodi s.m.
(pe-ri-o-di)

[TS] (gram.) Complès di proposizions leadis tra di lôr in unitât

sinonims

frase

esemplis

"[la] sintassi dal periodi [...] e scrutine lis relazions logjichis che si stabilissin intun periodi tra lis proposizions principâls e secondariis che lu tegnin adun"

gjavât fûr di "Cors di lenghe furlane" di Fausto Zof

periodi s.m.
(pe-ri-o-di)

[TS] (mus.) Complès organic di frasis musicâls che a davuelzin un motîf unitari

periodi s.m.
(pe-ri-o-di)

[TS] (fis.) Il timp che i covente a un fenomen par ripetisi cu lis stessis carateristichis

sinonims

cicli

esemplis

"il grup di ricercje al à rilevât une flutuazion [tal cambiament di velocitât di rotazion de Tiere] cun periodi costant, che e rive tal so pont plui alt ogni sîs agns"

gjavât fûr di "Gotis di sience 2" di Cristina Minuzzo

periodi s.m.
(pe-ri-o-di)

[TS] (mat.) Intun numar periodic decimâl, l'insiemi des cifris daspò de virgule che si ripetin intal stes ordin

periodi s.m.
(pe-ri-o-di)

[TS] (chim.) Intal sisteme periodic dai elements, serie di elements cun nivei compagns di energjie che a àn un numar atomic in cressite e un numar di eletrons in cressite intal nivel plui esterni

periodi s.m.
(pe-ri-o-di)

[TS] (fisiol.) Cicli di une malatie che si ripet

monolengâl