SuperDizionari

personaç s.m.
(per-so-naç)

Persone o animâl antropomorfizât che al à une part intune narazion o intune rapresentazion teatrâl, televisive, cinematografiche, iconografiche e v.i.

sinonims

figure, persone

esemplis

"Emma, il personaç centrâl di Madame Bovary e pative di crisis convulsivis"

gjavât fûr di "Il cjâf dai furlans" di Franc Fari

"Atile, re dai Uns, al è un personaç storic, ma in Friûl al è jentrât ancje tes tradizions popolârs"

gjavât fûr di "Friûl di Magance" di Sandri Carrozzo

Viôt ancje: personagjo

personaç s.m.
(per-so-naç)

Persone cognossude

sinonims

celebritât, om di non

esemplis

"[jenfri 1945 e 1955] a Udin al jere dut un ferment: pardut iniziativis culturâls, circui gnûfs, mostris di piture, concierts, conferencis. I personaçs de culture e de politiche si frecuentavin, si incuintravin, a discutevin, a barufavin"

gjavât fûr di "Friûl e furlans te Histoire de ma vie di Giacomo Casanova" di Pierluigi Visintin

"Pieri Çorut al è stât un personaç impuartant de leterature furlane"

gjavât fûr di "Pieri Çorut" di Roberto Jacovissi

personaç s.m.
(per-so-naç)

Persone particolâr o estrose che si fâs cognossi pal mût di pensâ o agjî (fam.)

sinonims

personâl

esemplis

"Gustavo Burat al è un personaç straordenari. Personâl di granadîr piemontês, muse simpatiche di lune incurnisade di une cjavelade riçote, rincjin te orele ae usance alpine, cuant che al tache lis sôs perorazions pe cause minoritarie al è un diluvion di oratorie"

gjavât fûr di "Memoriis di politiche linguistiche" di Adrian Cescje

"un om vistût di femine cul carrè biont stîl Cleopatra, une scarpe di un tipo e une di un altri e un anel di taur sul nâs! Mi àn dit che se lu viodevi lu varès metût di sigûr al prin puest de graduatorie dai personaçs plui stramps di dut il festival"

gjavât fûr di "La maree nere" di Checo Tam

monolengâl