SuperDizionari

personalitât s.f.
(per-so-na-li-tât)

Complès des carateristichis psicologjichis che a individuin e a rindin particolâr une persone

sinonims

caratar, estri, stîl, tempare, temperament, persone

esemplis

"inta chei zûcs a vignivin fûr lis personalitâts dai zovins: la malizie di Jimmy, la creativitât di Samuele, la ligrie di Luca, la inocence di Stiefin…"

gjavât fûr di "Faliscjis" di Cristina Noacco

"no jere une personalitât complicade, Odile, anzit, ma e jere stade tirade sù intal bombâs e usade a vê prin ancjemò di vê domandât"

gjavât fûr di "Il sium di Lissandri" di Franca Mainardis

personalitât s.f.
(per-so-na-li-tât)

[TS] (psic.) Complès des carateristichis psichichis che a formin une struture ricognossude tant che proprie dal individui, che si pant tai siei compuartaments

esemplis

"o sin usâts a pensâ che dentri di nô e sedi une sole personalitât. Lis robis no son propit cussì. Tai prins dal Nûfcent, un neurolic une vore cognossût, Sigmund Freud, al disè che la nestre persone e je formade di plui parts"

gjavât fûr di "Il cjâf dai furlans" di Franc Fari

"la ricercje sientifiche contemporanie e à mostrât che i costituents de personalitât a àn a ce fâ cu lis memoriis implicitis, une schirie di sistemis che a funzionin in maniere incussiente e che si ativin in maniere automatiche"

gjavât fûr di "Neurosiencis de meditazion" di Franc Fari

personalitât s.f.
(per-so-na-li-tât)

[TS] (dir.) Complès dai caratars e des prerogativis che a definissin un sogjet fisic o coletîf che al à responsabilitât juridiche, dirits e dovês

esemplis

"la aziende speciâl e je un ent strumentâl dal comun, cun personalitât juridiche e autonomie imprenditoriâl"

gjavât fûr di "Statût dal Comun di Udin" di Aministrazion Publiche

personalitât s.f.
(per-so-na-li-tât)

[TS] (filos.) Individualitât di une cussience singule, tant che separade di chês altris tal esisti

personalitât s.f.
(per-so-na-li-tât)

Persone impuartante, cognossude

sinonims

notabil, prôt

esemplis

"un Comitât indulà che a comparissin dutis lis personalitâts plui in viste dal Friûl"

gjavât fûr di "Cuarde e savon" di Josef Marchet

"un dissendent dai Labia [...] al à dât un grant gustâ a cuarante personalitâts di Vignesie, indulà che i plats, lis sedons, i curtìs e i pirons a jerin di aur"

gjavât fûr di "Viaç a Vignesie" di Arturo Feruglio

monolengâl