SuperDizionari

pescjâ v.tr.
(pes-cjâ)

Cjapâ pes o altris animâi di aghe, ancje cun imprescj di pueste, soredut par mangjâju o par vendiju (ancje ass.)

sinonims

cjapâ

esemplis

"Zuan al veve judât so pari tal pas e a pescjâ cun la rêt, po al veve tacât a fâ di garzon intune imprese"

gjavât fûr di "Claps" di Stiefin Morat

"une des plui grandis sodisfazions che o vevin noaltris fruts di Baracêt e jere chê di lâ a pescjâ tal suei «difûr»"

gjavât fûr di "A pescje tal suei" di Lucio Perès

pescjâ v.tr.
(pes-cjâ)

Tirâ fûr, cjoli, o ancje sielzi tal mieç di tantis altris robis (fig.)

sinonims

pescjâ fûr, tirâ fûr, cjapâ, cjapâ sù

esemplis

"se i capite la fortune di pescjâ a pene il doi di briscule, garantît che chel doi lu fâs rindi tant che un as"

gjavât fûr di "Politiche estare dal Friûl" di Riedo Pup

pescjâ v.tr.
(pes-cjâ)

Rivâ a cjatâ, soredut daspò di une ricercje lungje, sedi alc di materiâl che di imateriâl (fig.)

sinonims

burî fûr, cjatâ, sgarfâ fûr, tirâ fûr, cjatâ fûr

esemplis

"la viele no rivave a pescjâ ben inte memorie par ricuardâsi di dut"

gjavât fûr di "Il sium di Lissandri" di Franca Mainardis

pescjâ v.tr.
(pes-cjâ)

Soredut di un condot o di un manufat, cjapâ un licuit e inviâlu di une cierte bande (ancje ass.)

sinonims

aurî

esemplis

"la ruede antighe, a palis di fier, e jere ancjemò tal so puest, e se si vierzeve un scluset di metal, che al sierave une brentele di ciment che e pescjave tal flum, si podeve tornâ a metile in vore"

gjavât fûr di "Ombris tal infinît" di Carlo Sgorlon

pescjâ v.intr.
(pes-cjâ)

Jessi sot dal nivel da la aghe

esemplis

"lis feminis a lavavin sot dal puarti di cjase, te podine, che i lavadôrs dal flum no pescjavin ta la aghe"

gjavât fûr di "La aghe da pît la cleve" di Dino Virgili

monolengâl