SuperDizionari

petenâ v.tr.
(pe-te-nâ)

Passâ i cjavei cul pietin o cu la spacete o ancje dome cui dets, par metiju in ordin o ancje par dâur une disposizion particolâr

esemplis

"dopo finide la cercje a jerin lâts a polsâ suntun toblât, vevin metudis jù lis bisacjis, cuant che il Signôr al ordenà a sant Pieri di petenâlu"

gjavât fûr di "Il voli del Signôr" di Catarine Percude

"e tacave di matine, a pene jevade. Si slissave i cjavei, ju petenave, si piturave. A jerin ciertis zornadis che e cambiave dôs, trê voltis la petenadure"

gjavât fûr di "Narcissus" di Gianfranco Pellegrini

petenâ v.tr.
(pe-te-nâ)

Tratâ cun durece, cun violence fisiche, cun critichis fuartis, cun proviodiments punitîfs e v.i. (fig.)

sinonims

cuinçâ, vualivâ la schene, vualivâ lis comissuris, tamesâ, drazâ, costumâ, remenâ, dâ la savonade

esemplis

"a comandin i Todescs che cui Ustàs a plombin dispès ca di ca a petenâ la Resistence"

gjavât fûr di "Storie di Min" di Ivano Urli

"o soi stât petenât e pestât a dovê ma no ai mai rinunciât a vivi une vite dignitose"

gjavât fûr di "Moments di ploie e di burlaç" di Antoni Beline

"nô furlans no saressin tant miserabii se i lustrissims de nobiltât e i predis a paiassin lis tassis. «E je ore, par la madone, di petenâ chês piruchis!»"

gjavât fûr di "Come tai romançs" di Alan Brusini

petenâ v.tr.
(pe-te-nâ)

[TS] (tess.) Tratâ fibris cun imprescj di pueste in maniere che a risultin paralelis, ordenadis, cence grops e netis

esemplis

"za tal 1717 al vierzeve la sô prime fabriche, par petenâ il lin"

gjavât fûr di "Contis sot spirt" di Raffaele Serafini

monolengâl