Tu âs cirût la peraule
monolengâl
torne indaûr

monolengâl

piere s.f.
(pie-re)
Agregât di minerâi plui o mancul dûr, doprât tant che materiâl di costruzion, decorazion e v.i.
sinonims
cret, clap
esemplis
"a vevin corût par stradelis sgjavadis te piere, sul ôr di forans di fâ vignî l'inzirli"
gjavât fûr di "Il dolfin" di Carlo Sgorlon
"la gnove evoluzion de buteghe dal Magister Johannes, che e je documentade te colossâl statue di piere su la façade dal domo di Glemone"
gjavât fûr di "Storie de art in Friûl" di Bepi Agostinis
piere s.f.
(pie-re)
Toc di chel materiâl plui o mancul grant
sinonims
clap
esemplis
"si viodile ancjemò, là sù, la Buse dal Diaul; e je une piere cuntune olme a ûs talponade di cristian"
gjavât fûr di "Madone di Mont" di Josef Cjargnel
"une piere scuadrade, slisse, cun peraulis che no si capissilis"
gjavât fûr di "La aghe da pît la cleve" di Dino Virgili
piere s.f.
(pie-re)
Ogjet o imprest fat di chel matariâl, in gjenar specificât daûr de sô funzion, ma ancje no specificât, doprât par antonomasie o identificât par vie dal contest
esemplis
"un on vieli che uçava sora una muela a man una roncea; «Barba, vignît, vi prei, cun la uestra barcja a butâmi fin a Grau; mê mari l'è par murî[...]». «Oh, par murî!» al rispundè maraveiât chel altri on, seguitant a zirâ la piera che zemeva sot il fiar che lusiva"
gjavât fûr di "Il me paîs" di Federigo Comelli
"al amirave chel sbati e tornâ a sbati des piecis blancjis su la piere dal lavadôr"
gjavât fûr di "Cretevierte" di Roberto Ongaro
piere s.f.
(pie-re)
Lapide di une tombe
sinonims
clap, lapide, monument
esemplis
"lassâ cence une piere, cence un fregul di crôs, cence une rose lis tombis de famee"
gjavât fûr di "Lis predicjis dal muini" di Josef Marchet
detulis
"a fuarce di cori sù e jù, ancje la cuarde e fruie la piere dal poç"
"dulà che si passe la etât biele ogni piere a fevele"
"la gote continue e sbuse la piere"
"la gratitudin e à di jessi scrite su la piere, la ingratitudin sul savalon"
"no stâ muardi prin di savê se e je piere o pan"
torne sù