Hai cercato la parola
monolingue
Torna indietro

monolingue

piere s.f.
(pie-re)
Agregât di minerâi plui o mancul dûr, doprât tant che materiâl di costruzion, decorazion e v.i.
sinonimi
cret, clap
esempi
"a vevin corût par stradelis sgjavadis te piere, sul ôr di forans di fâ vignî l'inzirli"
da "Il dolfin" di Carlo Sgorlon
"la gnove evoluzion de buteghe dal Magister Johannes, che e je documentade te colossâl statue di piere su la façade dal domo di Glemone"
da "Storie de art in Friûl" di Bepi Agostinis
piere s.f.
(pie-re)
Toc di chel materiâl plui o mancul grant
sinonimi
clap
esempi
"si viodile ancjemò, là sù, la Buse dal Diaul; e je une piere cuntune olme a ûs talponade di cristian"
da "Madone di Mont" di Josef Cjargnel
"une piere scuadrade, slisse, cun peraulis che no si capissilis"
da "La aghe da pît la cleve" di Dino Virgili
piere s.f.
(pie-re)
Ogjet o imprest fat di chel matariâl, in gjenar specificât daûr de sô funzion, ma ancje no specificât, doprât par antonomasie o identificât par vie dal contest
esempi
"un on vieli che uçava sora una muela a man una roncea; «Barba, vignît, vi prei, cun la uestra barcja a butâmi fin a Grau; mê mari l'è par murî[...]». «Oh, par murî!» al rispundè maraveiât chel altri on, seguitant a zirâ la piera che zemeva sot il fiar che lusiva"
da "Il me paîs" di Federigo Comelli
"al amirave chel sbati e tornâ a sbati des piecis blancjis su la piere dal lavadôr"
da "Cretevierte" di Roberto Ongaro
piere s.f.
(pie-re)
Lapide di une tombe
sinonimi
clap, lapide, monument
esempi
"lassâ cence une piere, cence un fregul di crôs, cence une rose lis tombis de famee"
da "Lis predicjis dal muini" di Josef Marchet
proverbi
"a fuarce di cori sù e jù, ancje la cuarde e fruie la piere dal poç"
"dulà che si passe la etât biele ogni piere a fevele"
"la gote continue e sbuse la piere"
"la gratitudin e à di jessi scrite su la piere, la ingratitudin sul savalon"
"no stâ muardi prin di savê se e je piere o pan"
Torna in Cima