Tu âs cirût la peraule
monolengâl
torne indaûr

monolengâl

piore s.f.
(pio-re)
Animâl dumiesti che al da lane e lat, lat.sient. Ovis aries
sinonims
fede
esemplis
"tal soreli un grant trop di pioris a passonavin cuietis"
gjavât fûr di "Clâr e scûr" di Pieri Somede dai Marcs
"'Sute e lave a passon cu lis pioris dilunc dal flum"
gjavât fûr di "La aghe da pît la cleve" di Dino Virgili
Viôt ancje: fede
piore s.f.
(pio-re)
Cjar macelade o cuete di chel animâl
esemplis
"brustulâ vues, cjar di secont tai di piore, cun selino, carotis e cevole taiâts a tocs"
gjavât fûr di "Pane frattau" di Sandri Carrozzo
"cuant che il Cosac i veve puartât di cene, i veve dit: "Che al provi mo, ispetôr, se i plâs la piore di montagne!""
gjavât fûr di "Cretevierte" di Roberto Ongaro
piore s.f.
(pio-re)
Bestie mugnestre o ancje spaurose
sinonims
piorute, agnel, agnelut
esemplis
"il mastin al è deventât une piore"
piore s.f.
(pio-re)
Persone cence volontât o iniziative (fig.)
sinonims
cunin, piorate, piorute
esemplis
"la cuistion e je une sole, che sês un trop di pioris, cence medole"
gjavât fûr di "Un pugn di moscjis" di Pieri Somede dai Marcs
"tancj di lôr che a sberlin tant che leons par scuindi la piore che a àn dentri"
gjavât fûr di "Par stradis lungjis" di Alan Brusini
piore s.f.
(pio-re)
Femine che e vent prestazions sessuâls, o ancje femine di pocje moralitât, massime tant che ofese (volg.)
esemplis
"chê fantate dai cjasâi in cjaranducis che i disin la piore, usgnot passade la comari cu la sô sîscent le à puartade in ospedâl"
gjavât fûr di "Il prossim" di Pieri Somede dai Marcs
detulis
"a jessi masse bogns, si è tratâts di piore"
"cuant che la piore e à fat il mâl, par chel che e vâl e crepe"
"cuant che la piore e beghere, e piert il bocon"
"cui che al à pioris al à ancje piels"
"cui che si fâs piore il lôf lu mangje"
"di gnot dutis lis pioris a parin neris"
"Diu nus vuardi dai scalçs di piore e des scuarnassadis di cai"
"fati piore e il lôf ti mangjarà"
"il lôf al mangje pioris contadis"
"il lôf no i domande al pastôr che i dei lis pioris"
"l'om che si fâs piore il lôf lu mangje"
"la muart dal lôf e je la fortune des pioris"
"la muart de piore e je la fortune dal lôf"
"la muart de piore e je la vite dal corvat"
"la piore fûr dal trop e je simpri triste"
"la piore intant che e bebee e piert la bocjade"
"la piore no po fâ vuere cul leon"
"lis tristis pioris a son simpri fûr di trop"
"miôr dâ la lane che no la piore"
"miôr pierdi la lane che no la piore"
"muarte la piore e je finide la lane"
"muarte piore, fortune dal lôf"
"no si po vê piel e piore e lane parsore"
"no si vent dutis lis pioris che a van a marcjât"
"o plui fen o mancul pioris"
"putrops lôfs a stan pôc a mangjâ une piore"
"spongje di vacje, formadi di piore, scuete di cjavre"
"trops lôfs a stan pôc a distrigâ une piore"
"trops lôfs tor di une piore le àn prest distrigade"
torne sù