SuperDizionari

pitost av.
(pi-tost)

Par formâ o rinfuarçâ une aversative, une oposizion, une alternative

sinonimi

invezit, anzit, ben

esempi

"intant lis robis no cambiavin. Pitost a levin simpri piês"

da "Alpin jo mame!" di Alan Brusini

"l'Ariul nol jere plui il passetimp limpi di simpri, ma pitost une scuindarole pes baronadis, pes clapadariis cuintri chei che a passavin sul puint"

da "La aghe dal Ariul" di Maria Forte

Vedi anche: pluitost

pitost av.
(pi-tost)

Par formâ costruzions comparativis di maiorance

sinonimi

plui

esempi

"il guvier regjonâl, secont l'ordenament normâl, che nus vignarès dât, al è pitost un intric di plui che no un vantaç"

da "Votazions regjonâls" di Josef Marchet

pitost av.
(pi-tost)

Intune cierte misure, cuantitât, maniere

sinonimi

avonde, plui o mancul

esempi

"si contavin cualchi barzalete o cualchi storie pitost grassote"

da "La Madalene" di Zuan Lurinçon

monolingue