Tu âs cirût la peraule
monolengâl
torne indaûr

monolengâl

piturâ v.tr.
(pi-tu-râ)
Rapresentâ formis e figuris cui colôrs
sinonims
penzi, tirâ jù, dipenzi
esemplis
"[il pitôr] al veva da piturâ na Madona par na glesia poada in cima la mont"
gjavât fûr di "Scûr e lusour" di Novella Cantarutti
"sui mûrs, cuntun stamp a vevin piturade la sesule e il martiel cul colôr ros"
gjavât fûr di "Par stradis lungjis" di Alan Brusini
Viôt ancje: impintî
piturâ v.tr.
(pi-tu-râ)
Ass., praticâ la art de piture
sinonims
impintî, penzi, dipenzi
esemplis
"la int lu amirave par chel so mistîr di artist; lui al piturave e al vendeve"
gjavât fûr di "Cretevierte" di Roberto Ongaro
piturâ v.tr.
(pi-tu-râ)
Decorâ cun pituris
sinonims
penzi, impintî, dipenzi
esemplis
"un artist di prime sfere, chel che al à piturade la capele dal Domo"
gjavât fûr di "Co l'amôr al cimie" di Costantino Smaniotto
piturâ v.tr.
(pi-tu-râ)
Dâ sù colôr o vernîs o sim.
sinonims
dipenzi, impintî, incolorî, intenzi, invernisâ, penzi, pinelâ, tenzi
esemplis
"Eliseo le puartà a cjase [une biciclete vecje], e dopo gratade cu la cjarte di veri le piturà miôr che al podè"
gjavât fûr di "Prime di sere" di Carlo Sgorlon
"al veve tacât a piturâ i scûrs: a 'nd tirave jù un par volte, lu gratave e lu slissotave cu la cjarte di veri e i dave sù il vueli di lin"
gjavât fûr di "Cretevierte" di Roberto Ongaro
"che al dedi fûc a dute la marcjanzie e po che al pituri cu la creoline il cjar se al vûl salvâsi [dai pulçs]"
gjavât fûr di "I pulçs" di Angelo Covazzi
piturâ v.tr.
(pi-tu-râ)
Meti sbelet o altris cosmetics (fam.)
esemplis
"piturâ i lavris cul sbelet"
piturâ v.tr.
(pi-tu-râ)
Descrivi (fig.)
sinonims
descrivi, presentâ
esemplis
"o scugnìn dî che nô o sin ce che o sin. Nô no sin chel popul eroic che nus àn piturâts sui gjornâi cuissà parcè. O sin un popul come tancj altris"
gjavât fûr di "Nadâl nus fâs capî che la storie e je plui profonde e biele di chel che e somee" di Francesc Placerean
"te memorialistiche di chei agns, scrite pe plui part di Strumîrs, i rivoltôs a vegnin piturâts tant che pipinots intes mans dal Savorgnan"
gjavât fûr di "Il Friûl de Joibe Grasse dal 1511" di Carli Pup
"Rico al veve une teolighe che ti piturave lis robis che tu scugnivis zurâ che a jerin veris"
gjavât fûr di "Il compromesso" di Riedo Pup
piturâ v.tr.
(pi-tu-râ)
Fâ che alc al cjapi un ciert colôr o un ciert aspiet (fig.)
sinonims
penzi, impenzi, dipenzi, tenzi, intenzi
esemplis
"al tacà a soflâ e a vosâ un tramontan frêt, che in pôc timp al netà vie i nûi e al rivà a piturâ di ros il cîl de bande di soreli a mont"
gjavât fûr di "Ombris tal infinît" di Carlo Sgorlon
detulis
"cui che al fâs fabricâ al à bêçs in casse, cui che al fâs piturâ ind à di masse"
"fabricâ cui bêçs in casse, piturâ se a 'nd è masse"
"il diaul nol è mai tant brut che lu piturin"
"il diaul nol è mai tant neri che lu piturin"
torne sù