SuperDizionari

monolengâl

plantâ v.tr.
(plan-tâ)

Meti inte tiere une semence o une plantute o ancje une culture par che e cressi

sinonims

impastanâ, pastanâ, semenâ, implantâ

esemplis

"a plantarin i ciprès di ca e di là dal stradoncin"

gjavât fûr di "La aghe da pît la cleve" di Dino Virgili

"cuant che Vigji si maridà a plantarin un tei propit in chel stric che al veve in bande de sô cjase"

gjavât fûr di "Il tei" di Maria Forte

plantâ v.tr.
(plan-tâ)

Fâ jentrâ alc in alc altri, in mût che al jentri ben indentri, che al stedi dret o che al stedi fis

sinonims

cjaçâ, cjalcjâ, ficjâ, impirâ, implantâ

esemplis

"smontà jù ne la aga, plantà in premura chel pâl nel pantan plui in font che al podè"

gjavât fûr di "Il me paîs" di Federigo Comelli

plantâ v.tr.
(plan-tâ)

Cui stes significâts di "meti", ma cun valôr plui fuart (fig.)

sinonims

meti, sgnacâ, poiâ, implantâ

esemplis

""E dovaressin imbunî ducj i canâi di Vignesie e plantâ parsore grancj stradons e grancj zardins!""

gjavât fûr di "Viaç a Vignesie" di Arturo Feruglio

plantâ v.tr.
(plan-tâ)

Lassâ a la improvise cdn. o lâ vie a la improvise di un puest o ancje di une situazion, di une cundizion e v.i. (fam.)

sinonims

molâ, lassâ, bandonâ, implantâ

esemplis

" sô mari, la setemane stade, che al jere lât a cjatâle di scjampon, i veve dite di pensâ ancje par se, di plantâ dut, di salvâsi, di tornâ a cjase"

gjavât fûr di "Frêt" di Agnul di Spere

plantâ v.tr.
(plan-tâ)

In sens une vore larc, fâ alc, in gjenar cun decision, cun risultâts incisîfs e v.i. (fig.)

esemplis

"si ombrive e mi plantave un barufon dal numar un"

gjavât fûr di "Pre Pitin" di Antoni Beline

"plantâ bausiis"

gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

detulis

"cuant che la salate e à fat il grop, no si plantile plui"

"cui che al fonde sul popul si plante tal savalon"

"Sant Josef al plante la cuche, Sant michêl le gjave dute"

torne sù