Tu âs cirût la peraule
monolengâl
torne indaûr

monolengâl

platâ v.tr.
(pla-tâ)
Meti o tignî alc o cdn. tun puest dulà che altris no puedin cjatâlu
sinonims
rimplatâ, sclupî, scuindi, strafuî, taponâ, cuvierzi, nascuindi, parâ sot
esemplis
"e veve puartade le cassefuart dai cugnâts, platant la clâf che nissun al saveve dulà"
gjavât fûr di "Chei di Muraie" di Pieri Menis
"no no no, alore gno fi ultin lu plati… no lu mandi a murî… al à sedis agn"
gjavât fûr di "Il testemoni" di Checo Tam
platâ v.tr.
(pla-tâ)
Meti alc tun puest sigûr o sot di alc, par che nol ledi pierdût, no si ruvini e sim.
sinonims
meti vie, taponâ
esemplis
"ur veve platât dafonts de valîs trê fueutis di ulîf benedît"
gjavât fûr di "La aghe da pît la cleve" di Dino Virgili
platâ v.tr.
(pla-tâ)
Tignî segret, no fâ savê, no fâ capî
sinonims
rimplatâ, sclupî, scuindi, strafuî, taponâ, cuvierzi, nascuindi, parâ sot
esemplis
"Nita… tu… no tu sês contente… tu âs alc dentri vie che tu ciris di platâ… jo no ai nissun dirit di savêlu, ma…"
gjavât fûr di "La aghe da pît la cleve" di Dino Virgili
"il vecjo al mostrave clare la sô premure, intant che la Ulive e saveve platâle ben"
gjavât fûr di "La tiere di Lansing" di Maria Forte
"Casanova al plate il non dal cont, ma i casanoviscj a àn scuviert che al jere il cont visentin Giorgio Marchetti"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
platâ v.tr.
(pla-tâ)
Vê dentri alc che no si viôt, che no si note (fig.)
sinonims
clucî, covâ
esemplis
"a jerin aromai secui che la maraveose citât e platave, sot la vernîs des sôs pieris e dai siei carnevâi cence fin, une vecjaie che i roseave i vues e i faseve fraidessi la polpe"
gjavât fûr di "Cuintristorie dal Friûl fin sot la Italie" di Josef Marchet
platâ v.tr.
(pla-tâ)
Metisi di mieç tra l'ogjet e cui che al cjale
sinonims
taponâ, cuvierzi, scuindi, nascuindi, parâ
esemplis
"i nûi nassûts dai vapôrs a rivarin parsore dal arc de spuinde e a platarin la lûs dal soreli, e la aghe ur parè dut arint"
gjavât fûr di "Int no consumade" di Agnul di Spere
detulis
"a Sant Pieri il sorc al plate il puieri"
"a Sant Pieri la blave e plate il puieri"
"dispès il diaul al insegne a fâlis ma no a platâlis"
"la cjase e plate ma no robe"
"Sant Pieri, la blave e plate il puieri"
torne sù