SuperDizionari

platât adi.
(pla-tât)

Che al sta o al è tignût tun ciert puest par no jessi cjatât o scuviert

sinonims

scuindût, nascuindût

esemplis

"pensait a lis nestris puaris nonis, a fâ fen in mont o a vore tai cjamps, cui carantans e lis vincjutis platâts tal pic dal façolet, te sachete de cotule, sot dal grumâl"

gjavât fûr di "I furlans e i bêçs" di Riedo Pup

"il segret al jere che cjase sô, un pressapôc a mieze cjase, sot di une planele rosse a jerin platâts i trê chilos di aur de Sante Marie Vergjine Dolorade di Trapani"

gjavât fûr di "Storie di Min" di Ivano Urli

platât adi.
(pla-tât)

Fat di scuindon par che cdn. no si inacuarzi

sinonims

ascôs, caut, cautelôs, di scuindon, prudent, scosagn, segret

esemplis

"disvelade cheste tratative “platade”, parcè no varessino di jessi contents?"

gjavât fûr di "Microcredito, l'ultin regâl furlan a Rome" di Walter Tomada

platât adi.
(pla-tât)

Che no si viôt, par vie che al è daûr di alc altri o par vie che al è lontan o fûr di man

sinonims

scuindût, nascuindût

esemplis

"i cjamps no jerin siei: a jerin dal paron, il cont Detalmo di Breçà, che al stave tal cjistiel platât tal zardin jenfri lis cantinis e i stalons dai cjavai"

gjavât fûr di "Vigji Brusin" di Riedo Pup

"tal curtîl, platât intun cjanton, al è un armelinâr in flôr"

gjavât fûr di "Beput Cinisiti" di Ivano Urli

"in banda dal troi, platât, da pie il Çuculut, al era un bâr di pesteli: na sola rosa vierta e tancju buts picinins"

gjavât fûr di "Pesteli" di Novella Cantarutti

platât adi.
(pla-tât)

Che no si lu fâs savê o capî, che si lu ten ta la anime, te ment e sim.

sinonims

cuviert, segret, scuindût, nascuindût, ascôs, scosagn

esemplis

"chês peraulis a ribatevin une pôre sutile e platade che e jere ancje dentri di me"

gjavât fûr di "Il dolfin" di Carlo Sgorlon

"tu no stâ a esponiti su lis tôs sieltis, no stâ a pandilis, par cumò. Se tu âs za ideis tôs, tegnilis ben platadis"

gjavât fûr di "Memoriis di politiche linguistiche" di Adrian Cescje

"al taseve: al jere ancje in chel tasê, il torment platât"

gjavât fûr di "La aghe da pît la cleve" di Dino Virgili

platât adi.
(pla-tât)

Che no si rive a capî o che no si rive a capî daurman

sinonims

ascôs, invisibil, misteriôs, scosagn, soterani, scuindût, nascuindût

esemplis

"al è dificil di descrivi. Al è alc platât sot de mê ment cussiente… alc che al vignarà fûr…"

gjavât fûr di "Ombris" di Checo Tam

"al leve a cirî rapuarts platâts e misteriôs tra lis robis, segns, profeziis, induvinei"

gjavât fûr di "Il dolfin" di Carlo Sgorlon

monolengâl