Tu âs cirût la peraule
monolengâl
torne indaûr

monolengâl

plombâ v.intr.
(plom-bâ)
Jessi verticâl, a plomp o in linie drete cun alc
sinonims
colâ
esemplis
"la toresse no plombe juste su la façade de glesie"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
plombâ v.intr.
(plom-bâ)
Colâ cun fuarce o dal improvîs
sinonims
colâ, sdrumâ, slacâ
esemplis
"à la cjoche, i zenoi i clopin, al ven indenant, la vite si strucje e al plombe par tiare"
gjavât fûr di "No je plui vive" di Dolfo Zorzut
"il bâr sot i pîts al slacâ tune bugade di turbit, e Vergjilio al plombà te Ledre"
gjavât fûr di "Vergjilio" di Riedo Pup
plombâ v.intr.
(plom-bâ)
Fâ sintî dal alt la sô viamence, il so pês e sim.
esemplis
"Lui e Avost il soreli al plombave, butant cinise tai voi, lis cialis a seghetavin i pins"
gjavât fûr di "Il zardin" di Alan Brusini
plombâ v.intr.
(plom-bâ)
Butâsi intor a colp, cun empit
sinonims
butâsi, saltâ
esemplis
"si alcin dôs cuaiis. O sbari. E colin dutis dôs. Ma el cjan, invessi di plombâ sui uciei, al scjampe vie lontan"
gjavât fûr di "15 di Avost" di Arturo Feruglio
"jarin plombâti aduès doi ladrons, che dopo vêgji butât un las ator dal cuel, lu vevin strangolât"
gjavât fûr di "Il 'sechin tal font dal sac" di Ranieri Mario Cossâr
plombâ v.intr.
(plom-bâ)
Rivâ o capitâ a colp
sinonims
capitâ, plovi, rivâ, lâ, colâ, vignî
esemplis
"in chel, come un seon, e plombe in place dute la comitive"
gjavât fûr di "La batarele" di Zuan Lurinçon
"sul popul furlan al è plombât il flagjel dal taramot che nissun no sal spietave"
gjavât fûr di "Un popul ancjemò di liberâ" di Glesie Furlane
plombâ v.intr.
(plom-bâ)
Finî intune cierte situazion o cundizion, in gjenar in cualchi maniere negative, ancje in maniere improvise
sinonims
calâ, colâ
esemplis
"da la gjonde sin plombâts tal dolôr e tal plui grant displasê"
gjavât fûr di "Co l'amôr al cimie" di Costantino Smaniotto
"pôc dopo che la sale e jere plombade tal scûr"
gjavât fûr di "Îr e doman" di Gianni Gregoricchio
"ducj si son inviâts par lâ a durmî, cence nancje dâsi la buine gnot, e la cjase e plombà tal cidinôr"
gjavât fûr di "A uciei cu lis archetis" di Pieri Menis
plombâ v.tr.
(plom-bâ)
Fâ rivâ, fâ vê, ancje tal sens di dî fûr o di dâ fûr, soredut in maniere clare, fuarte, svelte e v.i.
sinonims
molâ, meti jù, butâ
esemplis
"sedial laudât e benedît il «Censis» (Centro studi investimenti sociali) che al à plombât une peraule definitive, finalmentri, su la «miserie» di Triest"
gjavât fûr di "Tanto cjapo e tanto magno" di Riedo Pup
"lis flichis di plombâi a Raffaella a son scritis e ripetudis in numar e in peraule, claris e tarondis, fin l'ultin carantan"
gjavât fûr di "Tal non di Raffaella afârs e guviers" di Riedo Pup
plombâ v.tr.
(plom-bâ)
[BF] Sierâ, tratâ, jemplâ e v.i. cul plomp,
torne sù