SuperDizionari

podê s.m.
(po-dê)

Facoltât, capacitât, pussibilitât di fâ alc, di rivâ a di une finalitât

sinonims

fuarce, facoltât, capacitât, pussibilitât

esemplis

"al someave cjapât a strent des robis e pleât sot un pês plui grant dal so podê, puar om"

gjavât fûr di "La tiere di Lansing" di Maria Forte

"al jere la uniche persone che e podeve e che e voleve dâi une man, che e veve il podê di fâle sintî mancul di bessole"

gjavât fûr di "Il sium di Lissandri" di Franca Mainardis

"nus interesse la scriture parcè che e ten il podê di pandi, di pandisi, di stramudâ viers di altre int lis ideis, emozions, afiets"

gjavât fûr di "Presentazion DOF piçul" di Zorç Cadorin

podê s.m.
(po-dê)

Pussibilitât di dominâ une situazion o altris personis

sinonims

autoritât

esemplis

"[si dopre une lenghe ancje] par "metisi in mostre", par incressi la nestre atrative e il nestri podê su chei altris"

gjavât fûr di "Il cjâf dai furlans" di Franc Fari

"i grancj, invezit, a pensin a la storie e a la glorie. E nol sarès nuie di mâl se si rangjassin di bessôi, se no vessin la bisugne e il podê di mandâ popui intîrs a sassinâsi un cuintri l'altri"

gjavât fûr di "Vitoriis e batostis" di Riedo Pup

podê s.m.
(po-dê)

Autoritât sovrane intun grup, une comunitât, un Stât, complès dai orghins che a puartin indenant chê funzion

sinonims

autoritât

esemplis

"ce che al tignive dongje dute cheste int e jere secont me la cuistion de lenghe, la autonomie e un ategjament critic viers dal podê di in chê volte"

gjavât fûr di "Un Friûl difarent: i 90 mhz di Onde Furlane" di Max Mauro

"tes gnovis provinciis [...] il podê locâl al jere tes mans dai militârs, dai funzionaris talians e di chê borghesie che cumò e butave [...] cuasi dute pe Italie"

gjavât fûr di "La seconde Irlande" di Carli Pup

podê s.m.
(po-dê)

[TS] (dir.) Complès di funzions juridichis e istituzionâls che a son dadis dal ordenament juridic a di un sogjet tant che titulâr di un ufici

esemplis

"la Regjon e esercite lis funzions aministrativis intes materiis indulà che e à il podê legjislatîf"

gjavât fûr di "Statût Speciâl de Regjon Autonome Friûl-Vignesie Julie" di Aministrazion Publiche

podê s.m.
(po-dê)

[TS] (sient.) Cualitât di un cuarp o di une sostance di produsi efiets e fenomens fisics

esemplis

"podê ossidant"

"podê radiant"

monolengâl