Tu âs cirût la peraule
monolengâl
torne indaûr

monolengâl

pontâ v.tr.
(pon-tâ)
Fâ une pression concentrade intun pont, ancje fin a sbusâ o a ferî (ancje ass.)
sinonims
ponzi, sponzi
esemplis
"no mi sarès inacuart che mi veve pontât un fiar se no ves viodût un fîl ros che al partive de gjambe"
gjavât fûr di "Tal Cuar" di Lucio Perès
pontâ v.intr.
(pon-tâ)
Vignî insù o infûr di une superficie
sinonims
dâ sù, pocâ
esemplis
"dut al pandeve aromai il tornâ de Vierte, dal striceâ dai cops cu la ultime nêf, al prin pontâ dai cidivocs"
gjavât fûr di "Cretevierte" di Roberto Ongaro
pontâ v.tr.
(pon-tâ)
Fissâ cun gusielis o in altris manieris
sinonims
fermâ, fissâ, tacâ
esemplis
"al dislace une mane di vencs e al lee un vidiç pleât a bandon. Lui i mostre dulà che al è miôr pontâlu"
gjavât fûr di "La tiere di Lansing" di Maria Forte
"anei, veris, pontepets, rincjins, braçalets golainis e cordons, dut di aur, che la int cul timp e cuissà cun cetante fede e sacrificis e veve regalât ae Madone e che a vignivin pontâts midiant di une curdele, ancje chê di sede nere, sul denant de cotule"
gjavât fûr di "La Madone dai siet dolôrs" di Pieri Somede dai Marcs
pontâ v.tr.
(pon-tâ)
Dâ un supuart, une poie (ancje fig.)
sinonims
poiâ, sopontâ, tignî sù, sostignî
esemplis
"pontâ un puint"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
pontâ v.tr.
(pon-tâ)
Fâ une pression, soredut cun chê di fâ prese
sinonims
impontâ
esemplis
"lui al slungje une gjambe e le ponte par tiere"
gjavât fûr di "Fadie come ale" di Maria Forte
"la aghe, il pantan mi rivavin za sul stomi, [...] o pontavi, o sbatevi i braçs ma lavi simpri plui sot"
gjavât fûr di "Resurezion a Pontinie" di Pieri Somede dai Marcs
pontâ v.tr.
(pon-tâ)
Dâ dongje, fissâ o comedâ cusint
esemplis
"a improntava un sul âtri, lissâts, bridions di ogni fata, a ju imbastiva e po a ju taava driu il stamp, cul scalpel, denant metasi a pontâ "
gjavât fûr di "Scarpeti" di Novella Cantarutti
"la puare femine e jere muarte su la sô cjadree, biel che e pontave i cjalçuts dal fi"
gjavât fûr di "Lilie" di Gianni Gregoricchio
pontâ v.tr.
(pon-tâ)
Dâ un dolôr vîf e profont, sedi tal cuarp che tai sintiments (fig.)
sinonims
muardi, scjassâ, scossâ, ponzi, sponzi
esemplis
"il frêt nol pontave plui tant insot"
gjavât fûr di "" di Franca Mainardis
"Rosute perdonimi, ma il pinsîr di viodilu dongje di te, al è come une spine che mi ponte il cûr…"
gjavât fûr di "Vilie di Nadâl" di Pieri Somede dai Marcs
pontâ v.tr.
(pon-tâ)
Indreçâ alc viers o cuintri di alc o di cdn. (ancje ass.)
sinonims
dreçâ, indreçâ
esemplis
"pontâ il canocjâl viers la lune, il Cjar mat e lis Stelis tramontanis"
gjavât fûr di "Il dolfin" di Carlo Sgorlon
"i vevin pontade la baionete su la panze"
gjavât fûr di "Dome la cjampanute di Sant Bortul" di Maria Forte
pontâ v.tr.
(pon-tâ)
[TS] (venat.) Dal cjan, tignî fer il cuarp e il music intune posizion che e segne al cjaçadôr dulà che al è il salvadi (ancje ass.)
esemplis
"dopo vêigji dade une buine tiradine di orelis, pront cu la doplete, la sburti indenant: a colp la bestie e à scomençât a pontâ"
gjavât fûr di "15 di Avost" di Arturo Feruglio
pontâ v.tr.
(pon-tâ)
Individuâ tant che obietîf, interès o sim.
esemplis
"no mi vergonzi a dîlu, che tra chês mês compagnis a 'nd vevi pontade une in mût particolâr, la manco vistose forsi, e forsi la plui salvadie di ducuantis, [...] ma cuntun pâr di voi…"
gjavât fûr di "Trê Rafaei in jerbe" di Giovanni Gortani
pontâ v.intr.
(pon-tâ)
Direzisi inviers di un lûc, cjapâ une cierte direzion
sinonims
inviâsi
esemplis
"al fasè la Californie dal Nord, al zirà dentri par Carson City, tal Nevada e di li al pontà par jù, traviers il desert, fin a rivâ a Las Vegas"
gjavât fûr di "Adalt abàs" di Stiefin Morat
"inmaneâ une rêt di fuartecis di sbarament cuintri Napoleon che al ponte a Viene"
gjavât fûr di "Lis Termopilis austriachis che a deventin la Cjaurêt francese" di Angelo Floramo
pontâ v.intr.
(pon-tâ)
Volê rivâ cun determinazion a un obietîf
sinonims
ambî, golosâ, oselâ, pretindi, smicjâ
esemplis
"progjets che a pontin a dâ un gnûf disvilup a chest teritori"
gjavât fûr di "Ocitanie in moviment" di Carli Pup
pontâ v.tr.
(pon-tâ)
Meti une pueste tun zûc, tune scomesse o sim. (ancje ass.)
sinonims
piriâ, scometi, zuiâ
esemplis
"dit e fat [il zuiadôr e il diaul] si metin a zuiâ. E el zuiadôr al vinç. Pontin el dopli e lui al torne a vinci"
gjavât fûr di "Blancjuteflôr e el zuiadôr" di Dolfo Zorzut
pontâ v.intr.
(pon-tâ)
Vê fiducie in cdn. o tal bon efiet di alc (fig.)
sinonims
contâ, fâ calcul, impastanâ, fâ stât
esemplis
"se chei altris a pontin su la lôr fuarce militâr o su la lôr potence economiche, la Italie invezit e ponte su la imprevedibilitât de sô politiche"
gjavât fûr di "Lassaitle fâ la cjossule" di Riedo Pup
"la propagande nazionaliste e veve pontât dut su la liberazion des tieris iredentis"
gjavât fûr di "La seconde Irlande" di Carli Pup
torne sù