Tu âs cirût la peraule
monolengâl
torne indaûr

monolengâl

ponte s.f.
(pon-te)
Part finâl fine e spiçade di un imprest, di une struture e v.i.
sinonims
spice, spiç
esemplis
"la none e preparave lis cjastinis, prime lis taiave cu la ponte dal curtìs"
gjavât fûr di "Lis cjastinis" di Paolo Bortolussi
"doi cuars intorteâts come pontis di furducje"
gjavât fûr di "La salamandrie tal fûc" di Carlo Tolazzi
"[Palme] fo progjetade tant che une stele a nûf pontis"
gjavât fûr di "Passât gloriôs, avignî dubiôs" di Luca Zoratti
ponte s.f.
(pon-te)
Sensazion di dolôr fuart e concentrât (fig.)
sinonims
fite, spine, stocade
esemplis
"une tossite che i cjoleve il respîr [...] i faseve sintî une ponte di dolôr daûr la schene"
gjavât fûr di "Nardon e Vigjute di Nani" di Pieri Somede dai Marcs
ponte s.f.
(pon-te)
Part finâl, ancje no spiçade
esemplis
"la mestre nus mostrave cu la ponte de cjane gargane, figuris picjadis sul mûr"
gjavât fûr di "Come tai romançs" di Alan Brusini
"fâsi ghiti cu la ponte dai dêts"
gjavât fûr di "Tinut di Libro" di Pieri Menis
"si sentà suntune ponte di bancje"
gjavât fûr di "La aghe da pît la cleve" di Dino Virgili
ponte s.f.
(pon-te)
Part plui alte di alc
sinonims
cime, spiç, spice, pic, çuc, cuc, piche
esemplis
"al viodeve nassi la sere da pît des cisis, i cjamps si scurivin, lis pontis dai arbui si indoravin"
gjavât fûr di "La cjarande" di Pieri Somede dai Marcs
"monts de Cjargne cu lis pontis blancjis di nêf"
gjavât fûr di "Par stradis lungjis" di Alan Brusini
ponte s.f.
(pon-te)
Fase plui alte, di plui intensitât di un fenomen (fig.)
esemplis
"pontis di totalitarisim che a metin in evidence la crisi cicliche di ogni sisteme"
gjavât fûr di "La invenzion dal stât" di Fabian Ros
" la emigrazion e je stade continue intai secui 1500, 1600 e 1700, cun pontis di cressite tai moments di cjaristie"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
ponte s.f.
(pon-te)
In cusine e in erboristarie, estremitât di une plante, cu lis fueis e in cualchi câs ancje cu lis rosis e lis pomis
sinonims
cime
esemplis
"dislidi inte spongje e vueli la cevole e daspò fâ dislidi lis pontis di sclopit taiuçadis"
gjavât fûr di "Jerbis salvadiis inte cusine furlane" di Giorgio Pascoli
ponte s.f.
(pon-te)
Estremitât di un teritori
esemplis
"par secui, intant che la Furlanie e fo une code dal mont gjermanic, Grau si tignì in bon di sei une ponte dal mont latin"
gjavât fûr di "Cuintristorie dal Friûl fin sot la Italie" di Josef Marchet
"di Vee, isule grande, viodevisi dome la ponte estreme di miezegnot, par un toc no plui lunc di uns cinccent metris"
gjavât fûr di "Int no consumade" di Agnul di Spere
ponte s.f.
(pon-te)
Cuantitât piçule, sedi di alc di concret che di alc di imateriâl (fig.)
sinonims
bave, bavele, bec, fregul, ombre, piç, piçade, prese
esemplis
"a la none si puartave un scartossut di fritulis, che i plasevin. Ma jê e cerçave nome une pontute a pene"
gjavât fûr di "I furlans e Sante Catarine" di Riedo Pup
"mi veve cjalade cuntune ponte di delusion"
gjavât fûr di "Trê feminis" di Gianni Gregoricchio
"o savevi che ti varès fate contente par une ponte di timp"
gjavât fûr di "Vieri e gnûf" di Pieri Piçul
"Minut al alçà il cerneli, e il stomi infûr cuntune ponte di braùre"
gjavât fûr di "La aghe da pît la cleve" di Dino Virgili
ponte s.f.
(pon-te)
[TS] (artes.) Sorte di scarpel par lavorâ la piere
esemplis
"sot la cragne di aghe a vignivin fûr altris peraulis, come se a nassessin fûr gnovis sot la ponte dal spicepiere"
gjavât fûr di "La aghe da pît la cleve" di Dino Virgili
"lis mans a tremavin e no rivavin a tignî fer il scarpel o la ponte"
gjavât fûr di "Cretevierte" di Roberto Ongaro
ponte s.f.
(pon-te)
[TS] (edil.) Trâf di len o di metal gruesse, o ancje opare murarie, metude tant che poie par impedî sdrumadis o slacs
sinonims
pecol, pidignûl, predul, predule, ripoi, soponte, spraiç
esemplis
"par tantis pontis e cuardis e cjavilis che i vebin metudis intor par tignîle adun, e je restade une barache plene di sfesis"
gjavât fûr di "La unitât cuintri la unitât" di Josef Marchet
ponte s.f.
(pon-te)
[TS] (artes.) Sorte di claut slis e cun spice a coni
esemplis
"breis che no tignivin plui ni clauts ni pontis"
gjavât fûr di "La tiere di Lansing" di Maria Forte
ponte s.f.
(pon-te)
[TS] (artes.) Curtissut par rompi tocs di formadi dûr
ponte s.f.
(pon-te)
[CO] (sport) Tal balon, atacant che al zuie devant de puarte aversarie
esemplis
"propit la ponte polache e siere cuntun gol la prime manovre puartade indenant cul so compagn di repart, che i da une bale golose tal mieç de aree"
gjavât fûr di "Pordenone – Monza 1-1" di Marc Stolf
ponte s.f.
(pon-te)
[CO] (med.) Inflamazion de pleure
sinonims
pleurite
esemplis
"dopo une vite fruiade tal fum dal stancol fasint il prenar, une ponte lu veve cjapât e al jere restât là sù, tes Gjermaniis, a fraidî i siei vues intal forest"
gjavât fûr di "Il muc" di Roberto Ongaro
"si sgrisulin di frêt e Diu vuardi che no ur vegni une ponte!"
gjavât fûr di "Lis predicjis dal muini" di Josef Marchet
"el mâl lu à cjapât / je stade une ponte / che lu à ruvinât"
gjavât fûr di "Ai piombi" di Romeo Battistig (?)
ponte s.f.
(pon-te)
[TS] (enol.) Savôr garp cjapât dal vin cuant che l'acit etilic al tache a mandâlu in asêt
detulis
"il curt al è simpri in ponte"
"la lenghe no à vues ni ponte ma tant e taie e a cûs"
"la pale e à la ponte di aur parcè che la tiere vergjine e je un tesaur"
"no mai fâ un mûr se si viôt un clap cu la ponte infûr"
"vuarditi di cui che al cjale la ponte des scarpis"
torne sù