"si viôt une vore ben che la popolazion furlane e cale dibot tal ultin cuart dal 1500. Po e torne a calâ fuart tal 1629 e te desene di agns daspò. E je stade cualchi cause di nature epidemiche o cualchi cjaristie che e à fat che al sucedès chest"
gjavât fûr di "Liniis di storie sociâl e economiche dal Friûl 1500 – 1800" di Adrian Cescje
"i prins fenomens di emigrazion di grandis dimensions dal Friûl a son tor de metât dal Votcent e dal 1880 a deventin massîfs, cjapant dentri fin cuasi il 6% di dute la popolazion"
gjavât fûr di "La emigrazion dal Friûl - Vignesie Julie: destinazion Svuizare" di Furio Bednarz
popolazions.f. (po-po-la-zi-on)
Grup di personis che, vint intun ciert moment e intune cierte zone carateristichis comunis, a puedin jentrâ intune stesse categorie
esemplis
"il tierç criteri (grât di ruralitât) al jere il rapuart tra popolazion ative in agriculture e popolazion ative totâl"
gjavât fûr di "La cundizion sociolinguistiche dal furlan" di Linda Picco
popolazions.f. (po-po-la-zi-on)
[TS] (stat.) Insiemi di un numar finît o infinît di unitâts statistichis classificadis cuntun o plui caratars
popolazions.f. (po-po-la-zi-on)
[TS] (biol.) Complès di individuis di ciertis speciis di flore o faune di une zone gjeografiche ben definide
esemplis
"la popolazion di cjamoçs che e je inte Aree protete e je rivade a nivei dongje dai valôrs otimâi"
gjavât fûr di "Dolomitis Furlanis. Lis vôs dal Cidin" di Luciano Gaudenzio, Michele Zanetti
popolazions.f. (po-po-la-zi-on)
[TS] (biol.) Insiemi di elements celulârs, massime dal sisteme emopoietic, che vint carateristichis morfologjichis e funzionâls comunis a son un grup ben definît
popolazions.f. (po-po-la-zi-on)
[TS] (fis.) Numar di particulis di un sisteme che a ocupin un ciert nivel energjetic