SuperDizionari

preference s.f.
(pre-fe-ren-ce)

Il vê miôr alc o cdn. pluitost che no alc o cdn. altri e ce o cui che si à miôr

sinonimi

predilezion

esempi

"e je simpri plui fuarte la preference dai miedis par lavorâ in grancj ospedâi, dulà che si fâs plui cun facilitât “curriculum” e li che a son plui oportunitâts di cariere e cressite professionâl"

da "Tisane o Palme? Il Friûl al à bisugn di ducj i doi i ponts nassite" di Roberto Pensa

"par dî la veretât jo no ai grandis preferencis in fat di musiche e mi plâs la musiche ancje a messe"

da "Sul florî" di AAVV

Vedi anche: preferenzie

preference s.f.
(pre-fe-ren-ce)

Spec. tal pl., tratament particolâr a favôr di cdn., ancje di là dal so merit o valôr

sinonimi

diference, favoritisim

esempi

"i miliarts a son lâts in nuie par mil e mil riuluts [...]; a son lâts straçâts par vie di preferencis, di favoritisims e di mangjariis"

da "Cuant si risolvaraie Rome a sistemâ i Julians?" di Josef Marchet

preference s.f.
(pre-fe-ren-ce)

[TS] (polit.) Espression di vôt a favôr di une liste o in particolâr a favôr di un candidât precîs dentri di une liste che si presente tune elezion

esempi

"lis elezions politichis dal Novembar 1919 a forin un sucès inspietât pal P.S., che al fo il prin partît ancje in Friûl cun passe 41.000 preferencis cuintri lis 31.000 sù par jù dal Partît Popolâr"

da "Felix March e il sium dal furlan-furlan" di Max Mauro

"al è stât elet, ma da pît de liste, cun pocjis preferencis"

da "Memoriis di politiche linguistiche" di Adrian Cescje

monolingue