SuperDizionari

premesse s.f.
(pre-me-sse)

(filos.) Proposizion cjapade tant che base di un resonament dimostratîf o argomentatîf

sinonims

premetidure

esemplis

"la grafie e je dome une robe tecniche par scrivi ducj te stesse maniere, e che no va a tocjâ la varietât furlane che al à ognidun. Fate cheste premesse, lis robis si inviin ben"

gjavât fûr di "Piçul cors di grafie par imparâ a scrivi plui coret in lenghe" di Dree Venier

premesse s.f.
(pre-me-sse)

Esposizion plui o mancul curte che e introdûs un discors, un scrit e sim.

sinonims

prefazion, prolic, introduzion, jentrade

esemplis

"in realtât - lassant di bande la impuartance storiche de documentazion - a lei la premesse di chel librut si capissin altris cjossis [...]"

gjavât fûr di "Logjiche e politiche" di Josef Marchet

premesse s.f.
(pre-me-sse)

Spec. tal pl., premesse cerimoniose fate dibant a pueste par fâ scomençâ plui tart un discors, o par preparâ cui che al scolte o par fâ che al sei mancul fuart il so impat

sinonims

preparatîf, zîr di peraulis

premesse s.f.
(pre-me-sse)

Cundizion che e covente par che al sucedi alc

esemplis

"da chistis premessis, eco lis conseguencis. I bisugns crein il lavôr; il lavôr gjenera la produzion ; la produzion sodisfa al consum"

gjavât fûr di "Il me paîs" di Federigo Comelli

"la privatizazion des tieris comunâls e je stade la premesse e la cundizion de formazion dal mût di produzion capitalistic"

gjavât fûr di "Liniis di storie sociâl e economiche dal Friûl 1500 – 1800" di Adrian Cescje

monolengâl