SuperDizionari

premiâ v.tr.
(pre-mi-â)

Dâ un premi, un ricognossiment o un compens par vie di un merit

esemplis

"al veve puartât la sô rapresentative a vinci il titul nazionâl e al jere stât premiât tant che miôr zuiadôr talian de categorie"

gjavât fûr di "Gjeometriis" di Stiefin Morat

"al podeve cjapâsi une incariche di grande delicatece e fiducie: i superiôrs no si dismentein e a san premiâ cui che sal merte"

gjavât fûr di "Il «comandatôr»" di Pieri Menis

"i imperadôrs a àn premiade la fedeltât di Popon cun vilis, cjistiei e dirits che cumò a son dal patriarcjât"

gjavât fûr di "Popon, la basiliche gnove e la lote cuintri di Grau" di Diego Navarria

Viôt ancje: premeâ

premiâ v.tr.
(pre-mi-â)

Dâ une sodisfazion, un compens ancje imateriâl (fig.)

sinonims

paiâ, compensâ, ricompensâ, ripaiâ

esemplis

"ancje par Min, di cuant in cuant, la domenie e veve colôr. Il so spietâ, durât setemanis o mês, al vignive premiât"

gjavât fûr di "Aiar di cjase" di Franca Mainardis

premiâ v.tr.
(pre-mi-â)

Meti intune cundizion di favôr, procurâ un vantaç (fig.)

esemplis

"la democrazie nus insegne che, no partecipant, si premie chei che a àn in man il podê, che lu dopraran instès cence di nô e cuintri di nô"

gjavât fûr di "Strategjie eletorâl" di Antoni Beline

"il lavôr di scuadre al premie simpri"

gjavât fûr di "Patrizia Pavatti. La scuele furlane tal 2030? «Pardabon plurilengâl»" di Walter Tomada

monolengâl