SuperDizionari

presentazion s.f.
(pre-sen-ta-zi-on)

Ancje tal pl., at di dî cui che si è o ben di dî cui che al è cdn. a cdn. altri

esemplis

"al jere comparît il so amì e dute une schirie di oms e di feminis che i vevin fat fieste, tant che lui al fos stât l'ospit plui spietât. Daspò lis presentazions rituâls, Lissandri si jere cjatât intune grande cusine"

gjavât fûr di "Il sium di Lissandri" di Franca Mainardis

presentazion s.f.
(pre-sen-ta-zi-on)

Il mostrâ e il fâ vê alc a cdn. o a une autoritât o a une istituzion o sim., par che al puedi jessi verificât, judicât, fat bon e v.i.

esemplis

"il dipuesit des listis o des candidaturis al à di jessi acompagnât de presentazion di un belanç preventîf di spese che lis listis e i candidâts a intindin rispietâ"

gjavât fûr di "Statût dal Comun di Udin" di Aministrazion Publiche

"la presentazion di documents gnûfs e tornarès a vierzi ancje i tiermins par presentâ i parês de bande dai Ents locâi"

gjavât fûr di "Rigasificadôrs la zonte e domande sclariments" di Redazion Radio Onde Furlane

presentazion s.f.
(pre-sen-ta-zi-on)

Cerimonie o event par mostrâ o fâ cognossi alc al public

esemplis

"si alternaran presentazions di libris, incuintris cui autôrs, leturis senichis, confronts poetics e trê spetacui"

gjavât fûr di "Sunsûrs ator pal Friûl" di Erika Adami

presentazion s.f.
(pre-sen-ta-zi-on)

Discors curt o scrit par presentâ

sinonims

introduzion, jentrade, premetidure

esemplis

"Valeri al è brâf cu lis peraulis, e al à fate une biele presentazion, nuie ce dî. Ma al è pre Checo che al à dit lis robis plui impuartantis"

gjavât fûr di "Memoriis di politiche linguistiche" di Adrian Cescje

presentazion s.f.
(pre-sen-ta-zi-on)

[TS] (religj.) Te religjon ebraiche, ufierte a Diu dai prins di mari masclis in ocasion de purificazion de mari

monolengâl