Fuarce che si fâs cuintri di alc, che e pues cambiâ la sô forme o posizion
esemplis
"une lizere pression sul scatarel e veve fat partî il colp"
gjavât fûr di "Faliscjis" di Cristina Noacco
pressions.f. (pre-ssi-on)
[TS] (fis.) Rapuart tra la fuarce che si fâs su di une superficie e la misure di chê superficie, o ben la fuarce par unitât di superficie
pressions.f. (pre-ssi-on)
[TS] (fis.) Fuarce che i gas de atmosfere a fasin suntune superficie orizontâl a tiere o intun ciert pont di rilevazion, che si misure in bar e milibar
esemplis
"a paritât di cuote o di pression l'aiar frêt al è plui fis, ven a stâi plui pesant, di chel cjalt"
gjavât fûr di "Notis di meteorologjie pal Friûl - Vignesie Julie" di Stefano Micheletti, Marcellino Salvador
pressions.f. (pre-ssi-on)
[TS] (med.) Fuarce fate dal sanc in circolazion su lis parêts des arteriis
esemplis
"[il primari] lu palpâ a lunc, intant che il miedi zovin e la muinie i tignivin i braçs; al domandâ che i misurassin la pression, po i tirà sù lis palpieris cjalantji cun dute atenzion lis pipinis dai voi"
gjavât fûr di "Tal ospedâl" di Amedeo Giacomini
"masse sâl al fâs alçâ la pression e cressi il pericul di malatiis dal cûr e de circolazion"
gjavât fûr di "Mangje san 2" di Guglielmo Pitzalis
pressions.f. (pre-ssi-on)
Azion fate par sburtâ un a fâ alc (fig.)
esemplis
"si cîr di fâ pôre e si fasin pressions di ogni fate sui citadins di lenghe sclave par obleâju a mandâ i fruts tes scuelis talianis"
gjavât fûr di "Dirits, promessis e fats" di Josef Marchet