SuperDizionari

previodi v.tr.
(pre-vio-di)

Savê alc prin che al sucedi, spec. daûr di une facoltât sorenaturâl o di un rituâl

sinonims

olmâ, predî, presagjî, presintî, profetâ, profetizâ, pronosticâ, strolegâ

esemplis

"par previodi cemût che a saran i mês dal an che al jentre si cjalin lis dodis zornadis jenfri dal 25 di Dicembar e dal 6 di Zenâr o lis primis dodis zornadis dal an"

gjavât fûr di "Nadâl" di Sandri Carrozzo

Viôt ancje: proviodi, prejodi, prevedê

previodi v.tr.
(pre-vio-di)

Pensâ alc prin che al capiti, massime su la fonde di segnâi, pussibilitâts, probabilitâts e v.i.

sinonims

calcolâ, figurâsi, imagjinâ, intuî, ipotizâ, presintî, presumi, presuponi, prossumâ

esemplis

"si à di calcolâ une vore ben chês che a podaressin jessi lis consecuencis de nestre mosse e previodi cemût che al rispuindarà l'aversari"

gjavât fûr di "Zuìn di scacs" di Nilde Teresa Negro

"al è facil di previodi che, se la nestre Regjon e cjaparà decisions par coordenâ la organizazion des scuelis e dâur diretivis, e intervignarà la Cort costituzionâl"

gjavât fûr di "Memoriis di politiche linguistiche" di Adrian Cescje

"o vevin vût une vore di spesis che nus vevin suiât ogni nestri sparagn, e o previodevin di vênint inmò tun doman"

gjavât fûr di "Culumiis" di Meni Ucel

previodi v.tr.
(pre-vio-di)

Considerâ tant che câs, element, efiet e v.i. intun complès plui larc

esemplis

"une diete sane e previôt almancul 5 porzions di pomis e verduris ogni dì"

gjavât fûr di "Mangje san 2" di Guglielmo Pitzalis

"il concors al previôt pal miôr luncmetraç un premi di 6 mil euros"

gjavât fûr di "Babel Film Festival" di Fabian Ros

monolengâl