[BF] Dâ un slanç, il butâ, il butâsi e il lôr risultât
proiezions.f. (pro-ie-zi-on)
Il riprodusi imagjins fissis o in moviment midiant di lûs mandade suntun schermi o suntune superficie
esemplis
"musiche eletroniche ritmade di balâ, ma cuntune vene di scûr e proiezions di videos sul palc"
gjavât fûr di "La maree nere" di Checo Tam
proiezions.f. (pro-ie-zi-on)
[TS] (gjeom.) Operazion grafiche di rapresentâ une figure tridimensionâl suntun plan bidimensionâl, e la rapresentazion che e risulte di chê operazion
proiezions.f. (pro-ie-zi-on)
[TS] (psic.) Atribuzion a altris di intenzions, sintiments, stâts psicologjics che il sogjet par se al refude
proiezions.f. (pro-ie-zi-on)
Risultât, efiet ancje arbitrari, trasformât, mudât di contest, situazion, timp e v.i.
esemplis
"[la Res Publica] e je une proiezion politiche, studiade e concuardade, une acuisizion artificiâl fondade su di un pat (pactum sociale)"
gjavât fûr di "Ri-cognossi la autonomie" di Angelo Floramo
proiezions.f. (pro-ie-zi-on)
L'insuazâ o il meti in relazion cuntun altri timp o cuntune cundizion divierse
esemplis
"une proiezion di une realtât vere intun altri spazi e intune altre dimension"
gjavât fûr di "Kebar krossè" di Stiefin Morat
"la classe dirigjente e à di vê une componente numeriche impuartante di zovins, che al è l'element che al da credibilitât a la proiezion temporâl des politichis"
gjavât fûr di "Il risultât eletorâl dai partîts di identitât teritoriâl - A case study: Scottish National Party" di Sergio Cecotti
proiezions.f. (pro-ie-zi-on)
Calcul o prevision fate daûr di dâts, ancje numerics e statistics, che si imagjine che a restin costants o che si evolvin dentri di une dinamiche regolâr
esemplis
"nol è pussibil in cheste fase di rivâ a cuantificâ in detai la durade des voris [...]. No si pues par vie che e covente une simulazion suntun numar di lemis avonde grant/suficient par podê fâ une proiezion"
gjavât fûr di "Memoriis di politiche linguistiche" di Adrian Cescje