SuperDizionari

promovi v.tr.
(pro-mo-vi)

Fâ passâ di une incjarie, vore, classe e v.i a une altre plui alte

sinonims

passâ

esemplis

"cemût mai che mi àn promovût di serie si sta un lamp a spiegâlu [...] a fuarce di scartâ un e chel altri mi capità la nomine a mi"

gjavât fûr di "Pre Pitin" di Antoni Beline

"Rico al jere un dai miôr tiradôrs e lu vevin promovût colonel de armade"

gjavât fûr di "I nemîs" di Checo Tam

promovi v.tr.
(pro-mo-vi)

Inviâ une iniziative, tacâ a metile in vore

sinonims

inmaneâ, meti in vore

esemplis

"il guvier federâl [dal Canadà] al à decidût di promovi acuardis cui Stâts de Europe"

gjavât fûr di "Interviste a Sandra Pizzolitto Pupatello" di Christian Romanin

"Cavedalis [...] al veve promovût il 3 di Otubar dal '48 une leç che e proibive ai militârs di fâ part dai circui politics cence autorizazion dai superiôrs"

gjavât fûr di "Zuan Batiste Cavedalis - Une vite esemplâr" di Giovanni Pillinini

promovi v.tr.
(pro-mo-vi)

Fâ cognossi, fâ vê sucès a un prodot, a un setôr, a un valôr e v.i.

sinonims

propagandâ, prudelâ, sostignî, pandi, tignî sù, sburtâ

esemplis

"pes viis dal paîs, a jerin barachins colorâts par dâ fûr e par promovi vins e prodots agrialimentârs"

gjavât fûr di "Alessandro Ortis premiât a Bertiûl" di Daniele Martina

"il teatri popolâr al veve bisugne di jessi promovût e di vê un coordenament tra i piçui grups"

gjavât fûr di "Un Friûl difarent: i 90 mhz di Onde Furlane" di Max Mauro

promovi v.tr.
(pro-mo-vi)

[TS] (zûcs) Intal zûc dai scacs, mudâ il pedon rivât insom de scachiere cuntun toc che al vâl di plui

esemplis

"il pedon mot in otave al ven promovût a regjine"

gjavât fûr di "Zuìn di scacs" di Nilde Teresa Negro

monolengâl