SuperDizionari

prospetive s.f.
(pros-pe-ti-ve)

[TS] (gjeom.) Tecniche di rapresentazion dal spazi su di un plan, in maniere che si vedi la stesse impression che si varès di une osservazion reâl

prospetive s.f.
(pros-pe-ti-ve)

[TS] (art) Composizion pitoriche li che lis figuris a son presentadis plui grandis o plui piçulis, daûr di normis gjeometrichis, par rindi l'efiet visîf come se a fossin dongje o lontan

esempi

"[il Canaletto] al insisteve sul valôr matematic de prospetive, par piturâ cualchi volte si zovavê de cjamare otiche"

da "Storie de art in Friûl" di Bepi Agostinis

prospetive s.f.
(pros-pe-ti-ve)

Viodude, panorame

sinonimi

panorame, viodude, viste, voglade

esempi

"no jeri mai lât di chê bande [...]. O viodei [la gleseute di] Sant Zuan cuntune altre prospetive"

da "Messe a Sant Zuan" di Lucio Perès

prospetive s.f.
(pros-pe-ti-ve)

Pont di viste, maniere di viodi une situazion (fig.)

sinonimi

idee, otiche, pont di viste, viertidure, viodude, vision

esempi

"la prospetive federaliste europeane e ven calcolade la uniche in stât di dâ une soluzion a chei che a vegnin clamâts i «problemis des piçulis nazionalitâts»"

da "Corsiche, Scozie, paîs Basc, Catalogne, Friûl... Europe" di Marc Stolf

"si sintive distacât dal presint e al viodeve lis robis intune prospetive plui alte e plui largje"

da "Prime di sere" di Carlo Sgorlon

prospetive s.f.
(pros-pe-ti-ve)

Complès di fats futûrs cemût che si puedin previodi (fig.)

sinonimi

pussibilitât, viertidure

esempi

"un malstâ fondamentâl, une prospetive dominade di nûi neris di un pessimisim tacadiç come une viscjade"

da "Ombris tal infinît" di Carlo Sgorlon

monolingue