Hai cercato la parola
monolingue
Torna indietro

monolingue

puest s.m.
Spazi che al pues sei ocupât de bande di personis o cun robis
sinonimi
buse, place, sît
esempi
"stant che o sin in centri, nol è tant puest par meti la machine e alore vignît a pît"
da "Doprâ la lenghe dai lûcs in sanitât" di Guglielmo Pitzalis
"[la analisi dai spetrograms di chês altris peraulis] no si le ripuarte in chest articulut parcè che e puartarès vie masse puest e no zontarès nuie di impuartant"
da "La division in silabis dai sufìs -sion e -zion tal Grant Dizionari Bilengâl Talian - Furlan" di Paolo Roseano
Vedi anche: post, puost
puest s.m.
Pont intal spazi fisic
sinonimi
lûc, sît
esempi
"al indreçà il cavalet e al tornà a meti dut tal puest di prime"
da "La Madalene" di Zuan Lurinçon
"o ai butât un voli al puest là che une volte e jere une fontane"
da "Faliscjis" di Cristina Noacco
puest s.m.
Spec. cuntun possessîf o un complement di specificazion, sît stabilît, destinât o solit par cdn. o par alc (ancje fig.)
sinonimi
buse, lûc, place, sît, volte
esempi
"e puartà sù di cene a so pari che al jere tal jet. Lu cjapà a bracecuel come par difindilu e po e poià ogni robe tal so puest"
da "La fie çuete" di Maria Forte
"restâts cussì convignûts, si incovarìn ognun tal so puest, in spiete"
da "Il muc" di Roberto Ongaro
"i bastave il mangjâ e la salût, e lis robis de vite simpri tal lôr puest, come lis stagjons"
da ""Nocent"" di Maria Forte
puest s.m.
In ambients, machinis o altris mieçs di traspuart, capacitât di tignî o puartâ une persone
esempi
"tal vignâl di Ramandul si leve di Vendemis no cul cjaval, ma cu la veture, une Adler dodis cilindris e sîs puescj"
da "Come tai romançs" di Alan Brusini
"a Cortâl a vevin fat sù un tendon di tresinte puescj, par ospitâ dutis lis mascaris dal comun"
da "Faliscjis" di Cristina Noacco
puest s.m.
Localitât
sinonimi
ambient, localitât, regjon, sît, zone
esempi
""Sâstu dulà che a son i prâts des Savodagnis?”. “Lis Savodagnis? Sì, ju cognòs. Al è un biel puest, ancje vuê”"
da "I prâts des Savodagnis" di Agnul di Spere
"culì ducj a van in puescj cjadaldiaul in biciclete. Patagonie, Istambul, [...]"
da "Migjee" di Laurin Zuan Nardin
puest s.m.
Locâl public
sinonimi
ambient
esempi
"mi à puartât a Grau, li di un so amì che al gjestive un ristorant. Il puest al jere sierât e nô o vin tucât su la vecje puarte di rôl"
da "Don Franziskus e Iskander" di Checo Tam
puest s.m.
Ativitât professionâl o funzion puartade indevant
sinonimi
implei, lavôr, ocupazion, posizion
esempi
"une VAL, une Verifiche Analitiche Lavorative, par stabilî se i ves ancjemò i recuisîts par chel puest"
da "Kebar krossè" di Stiefin Morat
"al pâr di strani che, vint ocupât puescj di responsabilitât ancje politiche, nol fos stât considerât un element di slontanâ"
da "Zuan Batiste Cavedalis - Une vite esemplâr" di Giovanni Pillinini
puest s.m.
Cundizion, situazion (fig.)
sinonimi
situazion
esempi
""Ten a ments che usgnot, tal gno puest al veve di jessi un altri… ma nol à vût coragjo, chel stupit...""
da "Sul agâr" di Pieri Menis
"meti ae prove chei che nus vevin criticâts, par viodi ce che a jerin bogns di fâ lôr tal nestri puest"
da "Memoriis di politiche linguistiche" di Adrian Cescje
proverbi
"il prin puest si scuen lassâjal a chei di cjase"
Torna in Cima