SuperDizionari

pustiç adi.
(pus-tiç)

Che al è fat o studiât di pueste par imitâ ce che al è vêr, autentic o origjinâl

sinonims

fals, fent, mat, artificiâl

esemplis

"metisi e gjavâsi i dincj pustiçs"

gjavât fûr di "Il spieli" di Pieri Çorut

"cui veve moschetis e barbis pusticis, cui pipis che a someavin bagulinis, cui cjapiei di stranc ducj impirâts di plumis di dindi"

gjavât fûr di "Mascaris e... maraveis" di Pieri Menis

pustiç adi.
(pus-tiç)

Che nol corispuint ae veretât, che al è fat, studiât o doprât par imbroiâ

sinonims

fals, fent, mat, bausâr, ilusori, imagjinari, ingjanôs, dopli

esemplis

""No, jal siguri" al rispuindè lui cuntune ande sudizionose pustice che mai"

gjavât fûr di "Trê feminis" di Gianni Gregoricchio

"[nazions tignudis sù] cuntune armadure pustice di rumiaduris storichis, di sglonfaduris sentimentâls o leterariis, di propagande militariste e chauviniste"

gjavât fûr di "Su altris fondis" di Josef Marchet

pustiç adi.
(pus-tiç)

Di cdn., che al à une cualitât o une cundizion di fat, ma no ricognossude de leç o ben che al è intune situazion legâl che no corispuint ae realtât dai fats

esemplis

""[...] al lave a cirî la sô… come si disial, la sô… Che mi judi lui, siôr Zaneto! … La sô… la sô… muîr pustice!""

gjavât fûr di "In cîl e je une stele!..." di Arturo Feruglio

"petin jù fruts / come piruçs: / sioris, pitochis, / brutis e bielis, / furbis, marzochis, / e vedovelis; / paris pustiçs… / cualchi pastiç… / puar mai me!"

gjavât fûr di "Ducj parturìs" di Pieri Çorut

monolengâl