SuperDizionari

monolengâl

racuei v.tr.
(ra-cuei)

Cjapâ alc che al è par tiere o che al è poiât o picjât di cualchi bande, o che al ven dât di cdn. altri

sinonims

cjapâ sù, cjoli sù, çumâ, racolzi, tirâ sù, dispicjâ

esemplis

"la aghe limpide, frescje, vivarose; un meracul, dal moment che propit li che e colave ancje e discomparive subit sot i claps. Mi metei a racueile te zumiele e a supâle"

gjavât fûr di "Agane, cun te no par simpri!" di Lucio Perès

"la gnot passade no veve pandût la ombre di Doro, fer cu la cosse, sot un barcon, a racuei l'aventari di Mariute, e po a cjapâle jê tal braç"

gjavât fûr di "L'aventari pal barcon" di Maria Forte

"une compagnie di fruts intents a racuei frambuis e a mangjâlis pacjifics"

gjavât fûr di "Storie di Vera" di Ivano Urli

Viôt ancje: ricuei, raguei, riguei

racuei v.tr.
(ra-cuei)

Cjapâ e vê la responsabilitât di alc (fig.)

sinonims

cjapâ sù, racolzi

esemplis

"o fasarìn come che simpri o vin fat. O larìn indenant cun gnûfs oms e feminis che a racueiaran la ereditât"

gjavât fûr di "O fasarìn come che simpri o vin fat" di Dree Valcic

racuei v.tr.
(ra-cuei)

Jentrâ in possès di plui ogjets, elements, tocs e v.i. in mût di fâ une colezion

sinonims

colezionâ, dâ dongje, racolzi

esemplis

"un om si ustine a racuei libris intune biblioteche personâl"

gjavât fûr di "Une balade par Carnera" di Erika Adami

racuei v.tr.
(ra-cuei)

Fâ che plui elements, materiâi o imateriâi, si dedin adun o a sedin adun

sinonims

concentrâ, dâ adun, meti adun, tirâ adun, clamâ adun, dâ dongje, racolzi

esemplis

"si jere pensât - cun Marc Tibaldi e chei di Usmis – di racuei ducj i miei articui publicâts sun chê riviste, plui cualchi altri e fâ cussì un libri"

gjavât fûr di "Il cjâf dai furlans" di Franc Fari

racuei v.tr.
(ra-cuei)

Rivâ a cognossi e a regjistrâ nozions, informazions, dâts e v.i. e a dâur un ciert ordin

sinonims

cjapâ sù, dâ adun, meti adun, tirâ sù, rilevâ, racolzi

esemplis

"o ai l'incaric di racuei dâts, elements di gjeologjie"

gjavât fûr di "I forescj" di Alan Brusini, Gian Paolo Linda

racuei v.tr.
(ra-cuei)

Vê dentri cierts elements

esemplis

"la prime cassute “In onôr, in favôr”, dal 1978, e racuei i tocs miôr dal repertori che o fasevin tai concierts"

gjavât fûr di "I cjançonîrs" di Pauli Cantarut

racuei v.tr.
(ra-cuei)

Cjapâ cun se cdn., dopo che al è stât di bessôl o cun cdn. altri, soredut par compagnâlu a cjase o di cualchi bande

sinonims

cjapâ, cjoli

esemplis

"cuant che a rivavin li maris a recuei i canais e a strassinâju via, il mont al tornava cuiet"

gjavât fûr di "Il curtîf dai Cocs" di Novella Cantarutti

detulis

"a semenâ un sac di plume, no si racuei mai plui"

"cui che al fevele al semene, cui che al tâs al racuei"

"cui che al semene al racuei"

"cui che al vûl racuei che al semeni"

"cui che nol semene nol racuei"

"se no si semene no si racuei"

"se si semene aiar, si racuei tampieste"

"se si semene un sac di plumis, al è dificil di racueilis"

"un solt butât vie di un mat, al è racolt di un savi"

torne sù