Tu âs cirût la peraule
monolengâl
torne indaûr

monolengâl

rai s.m.
Intune ruede, ognidun dai elements che a lein la bucule cul cercli
esemplis
"Gjigjon al ingrampà un rai di ruede par judâ e cu la spadule tal ôr dal casselot, frontant i pîts te grave, al alçave di pês dute la braçadure daûr dal cjar"
gjavât fûr di "Il cjaradôr des animis" di Dino Virgili
rai s.m.
[CO] (gjeom.) Intun cercli o intune sfere, ogni segment che al unìs un pont de circonference o de superficie cul centri
esemplis
"8 pedanis metudis dilunc di un cercli dal rai di 19,20 metris"
gjavât fûr di "Chiara e smicje alt" di Valentina Pagani
rai s.m.
Distance a partî di un ciert pont che al ven calcolat tant che centri
sinonims
cercli, cjamp, zîr
esemplis
"il rai de zone di evacuazion al è stât puartât a 10 km"
gjavât fûr di "Il disastri de centrâl nucleâr di Fukushima Dai-ichi" di Alessandro Pascolini
rai s.m.
Emanazion di lûs di une font luminose e in particolâr ognidune des liniis, ancje dome imagjinariis, che a corispuindin ae direzion di emanazion de lûs
sinonims
raiade, spere
esemplis
"il cîl al è simpri musticât e nol lasse passâ nancje un rai di soreli"
gjavât fûr di "Un bosc cence colôrs" di Franca Mainardis
rai s.m.
[TS] (fis.) Fas di ondis eletromagnetichis o di particulis elementârs
sinonims
radiazion
esemplis
"la plui grande polarizazion si à cuant che il rai rifratât si propaghe a 90° rispiet ae direzion di propagazion dal rai rifletût"
gjavât fûr di "La polarizazion de lûs" di Marisa Michelini, Alberto Stefanel
rai s.m.
[TS] (zûcs) Intai zûcs di cjartis la fase che si son dadis dutis lis cjartis, zîr
sinonims
zîr, man
esemplis
"in chê sere a faserin cuatri cuaranteun di tressiet, sîs rais di briscule par finî, une cjantade subit difûr de puarte de ostarie e daspò si lassarin par lâ ducj a durmî"
gjavât fûr di "Cretevierte" di Roberto Ongaro
torne sù