SuperDizionari

ramaç s.m.
(ra-maç)

Part di len di un arbul che e partìs dal tronc, là che a menin lis fueis, lis rosis e lis pomis

sinonimi

bachet, branc, ram, ramade, ramascje, rame

esempi

"a rivin dulà che la strade si bute sot vie dai ramaçs dai cjastinârs che le sierin parsore di mût che la lûs de sere e travane sì e no"

da "Misure" di Meni Ucel

"al è dut un cidinôr, dome l'aiar al fâs sunsûr jenfri i ramaçs dai peçs"

da "Neveade" di Marisa Moretti

"il 'sisulâr par butâ jù la cjavelade nol à spietât la zulugne. Velu che al slargje i ramaçs za nûts e neris e ingredeâts come che a fossin tancj sgrifs"

da "Il cjan blanc di Alturis" di Catarine Percude

ramaç s.m.
(ra-maç)

Cualsisei part, division, sotdivision e sim. di une struture o di un fenomen (fig.)

sinonimi

branc, ram, rame

esempi

"li stradi da la mont [...] a samein veni fondi che a si disgropin da un ramaç grues e a si slontanein simpri pi minudi. Uchì il ramaç grues a è la Tramuntina che a sa la cjapa là che al finìs il plan four di Midun"

da "Stradi pa la val da la Miduna" di Novella Cantarutti

"in cimitieri, a Udin, sot dai puartis a man drete dal stradon, i trê ramaçs de cjase Somede a àn la lôr sepulture"

da "I "resti"" di Pieri Somede dai Marcs

"i Carnics che a ocuparin il Friûl a partignivin, duncje, a un ramaç diferent di chei Celtics che, de Svuizare o de Galie, a rivarin ta la alte Italie"

da "Cuintristorie dal Friûl fin sot la Italie" di Josef Marchet

ramaç s.m.
(ra-maç)

[TS] (anat.) Division principâl o secondarie di un vâs dal sanc, di un gnerf o di un vues

sinonimi

ram

ramaç s.m.
(ra-maç)

[TS] (antrop.) Categorizazion sistematiche di ordin sot de specie

sinonimi

ram

ramaç s.m.
(ra-maç)

[TS] (mat.) Insiemi dai ponts di une curve plane che a apartegnin al intor di un pont, che lis sôs coordenadis x e y a son esprimudis in seriis di potencis di un ciert parametri

sinonimi

ram

monolingue