SuperDizionari

raze s.f.
(ra-ze)

[FO] (bot.) Grup di animâi o di plantis de stesse specie, marcâts di caratars comuns, omogjenis, tramandâts par ereditât che ju distinguin di altris grups

esempi

"i purcits che si cjolin lis cuessis di cjar a rivin di 10 regjons di Italie. A àn di jessi di razis tradizionâls talianis"

da "Un persut unic par un lûc unic" di Oscar Puntel

raze s.f.
(ra-ze)

[CO] (antrop.) Popolazion o complès di popolazions cuntune cierte frecuence distributive di gjens, individuade daûr di ciertis carateristichis fenotipichis

esempi

"la Ley de Inmigración y Colonización dal 1936 [...] e deve la pussibilitât di imigrâ a personis di raze “blancje ariane o caucasiche, no semite”"

da "La emigrazion furlane in Venezuela" di Francesco Fait

raze s.f.
(ra-ze)

Grup di personis che a divegnin di un progjenitôr in comun

sinonimi

cjasade, cjase, çoc, çocje, gjernazie, naie, renazie, riviesse, sanc, semence, stirpe, famee

esempi

"i fîs intant a fasevin il lôr dovê, che no bastardavin la raze [no tradivin l'onôr de famee di Dalban]"

da "Cjase di Dalban" di Maria Forte

raze s.f.
(ra-ze)

Cualitât, sorte (spres.)

sinonimi

cualitât, gjenar, maniere, sorte, stamp, stampe, tai, fate

esempi

"a àn capît a colp tor ce raze di aministrazion che a jerin lâts a sbati"

da "Par paiâ al vûl mistîr" di Riedo Pup

"Berto, Berto, ven a viodi ce raze di timp che al ven sù!"

da "Aiar di cjase" di Franca Mainardis

monolingue