SuperDizionari

realistic adi.
(re-a-lis-tic)

Che al è coerent cu la realtât, che al pues jessi reâl o che si somee cu la realtât

sinonims

verisimil

esemplis

"i Vescui, tal lôr document, a ricognossin e a declarin che nol è realistic ipotizâ un tornâ al passât"

gjavât fûr di "Tornìn a fâ fieste" di Riedo Pup

realistic adi.
(re-a-lis-tic)

Che si fonde sui fats, che al cjale ae realtât concrete dai problemis

sinonims

pragmatic, pragmatistic, pratic, positîf, concret

esemplis

"e vûl int positive, pratiche, cence mistichis di partît, cence pretesis di voltâ il mont cu la bachete de strie, cence fisimis ne nazionalistichis ne antinazionalistichis: a vuelin cerviei libars, serens, realistics"

gjavât fûr di "E cumò?" di Josef Marchet

"Sclâf al restà une vore mâl de rispueste dal partît. Di om realistic come che al jere al acetà pal moment la decision, ma al scrivè la dì dopo a di Cjaurià dôs letaris, e une tierce cualchi zornade plui tart"

gjavât fûr di "Memoriis di politiche linguistiche" di Adrian Cescje

realistic adi.
(re-a-lis-tic)

[TS] (art) Di artist o di opare artistiche, ispirât ae riproduzion fedêl de realtât

esemplis

"tai prins agns o pituravi la biele figure compositive, che cualchidun mi dîs: "Orpo, no ti cognossevi cussì". La figure e jere plui complete e realistiche parcè che mi soi formât dopo de vuere tal moviment neorealistic"

gjavât fûr di "Poz: l'ultin morâr" di Gabriele Zanello

"Davide Maria Turoldo al zire il film “Gli ultimi”, cuadri realistic di un Friûl contadin une vore lontan de dimension bucoliche e idealizade che e faseve une vore comut ai sorestants politics"

gjavât fûr di "Cuintristorie dal Nûfcent 1960-1970" di Angelo Floramo

realistic adi.
(re-a-lis-tic)

[TS] (filos.) Dal realisim filosofic, tant che corint de scolastiche che te valutazion dal probleme dai universâi e assegne une realtât obietive ai concets universâi

monolengâl