SuperDizionari

regjistri s.m.
(re-gjis-tri)

Libri, cuader o cualsisei sorte di liste li che si cjape note e li che si documentin ats e dâts

esemplis

"cualchi vieli al murive, e i predis lu segnavin tai regjistris, ma nassevin ancje fruts, e alore e jere fiestone"

gjavât fûr di "Pastôrs cimbrics tal Friûl antîc" di Pier Carli Begot

"mi fasei consegnâ il regjistri des ricevudis, là che al jere segnât ce che al jere lât fûr dal archivi"

gjavât fûr di "Il solt di Arlunc" di Gianluca Franco

regjistri s.m.
(re-gjis-tri)

[TS] (mus.) Serie di elements di cierts struments musicâi che a produsin suns omogjenis ma cun efiets di timbri speciâi e diferents

esemplis

"il segret al sta inte elaborazion de acordadure che e fâs in mût che cuant che si sune cui regjistris brilants il sun nol deti fastidi intes orelis"

gjavât fûr di "Friulfisa di Marco Tomiato" di Marta Vezzi

regjistri s.m.
(re-gjis-tri)

[TS] (ling.) Nivel espressîf di un mût di scrivi o di fevelâ

esemplis

"e je inceose cheste scriture che si môf su trê nivei, trê regjistris diferents"

gjavât fûr di "Stiefin Morat, “Kebar Krossé”, Udin 2016" di Laurin Zuan Nardin

"potenziâ i regjistris de comunicazion culte e istituzionâl"

gjavât fûr di "Memoriis di politiche linguistiche" di Adrian Cescje

regjistri s.m.
(re-gjis-tri)

Nivel di manifestazion di un fenomen, di disvilup di une ativitât, di elaborazion di un element e v.i. (fig.)

esemplis

"dut il film al ten dentri un dopli regjistri interpretatîf: il marum, l'aviliment par une vite pierdude e la tenarece"

gjavât fûr di "A esmorga" di Fabian Ros

regjistri s.m.
(re-gjis-tri)

(mec.) Aparât par regolâ il funzionament di un mecanisim daûr di un riferiment standardizât

monolengâl